Mark 9:7 - Syin Chin Bible

⁷ Tuaciangin meeikaai khat hong piang a, a limh taw amate tuamcip hi, tuaciangin meeikaai sung panin aw khat in, “Hi sia ka it ka tapa hi — ama thu ngai vun!” ci hi.

Mark 9:7 Iomraidhean Croise

Psalm Late 2:7

Kumpipa in “Topa thu khensatna son tu khi hi,” ci hi. Ama in kei tungah hi bangin hong ci hi, “Nang sia ka tapa na hi hi, tuni in na pa ka suak zo hi.”

Psalm Late 97:2

Meeikaai le khuazing in ama kiim uum hi; ama in thutang le thukhaikim taw uk hi.

Pusuana 24:16

Topa ompuina khuavak taang velvol sia mual tungah hong theng suk hi. Tua khuavak taang sia Israel mite atu in mualdawn ah a taang meikuang khat taw kibang hi. Ni luk sung meei in mual tuamcip in, a ni sali ni in meei sung pan Topa in Moses sam hi.

Pusuana 40:34

Tuasia ciang meei in Puanbuk tuam a Topa ii ompuina khuavak taang velvol sia in tua puanbuk dim hi.

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Matthew 27:43

Ama in Pathian muang a, Pathian Tapa ka hi ci hi. Tua ahile Pathian in tu in a hunnuam ziam en tawng!” ci uh hi.

Matthew 27:54

Ngalkap hon ukpa le Jesus a cing ngalkapte in zinliing le thupiang dang theampo a mu uh ciang, lau mama a, “Ama sia Pathian Tapa tatak hi!” ci uh hi.

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Mark 1:11

Vantung panin aw khat nging a, “Nang sia ka it ka Tapa na hi hi. Nang tungah ka lungkim hi,” ci hi.

Mark 9:6

Ama le a lawmte lau mama ahikom a pau tu he meal ngawl uh hi.

Mark 9:8

Amate in manlang takin a kiimkot a et uh le kuama dang a mu bua uh a, Jesus bek amate taw om a mu uh hi.

Luke 3:22

Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.

John 1:34

Tuasia mu zo khi hi, tuaciangin ama sia Pathian Tapa hi ci in hong son khi hi,” John in ci hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 12:28

Pa awng, nangma min thangsak in!” ci hi. Tuaciang vantung pan aw nging khat in, “Minthangsak zo khi hi, tuaciang in minthangsak lai tu khi hi,” ci hi.

John 19:7

Mihon in zo kik a, “Ama in Pathian Tapa ka hi ci ahikom thidaan piak tu in kilawm hi a ci thukham khat nei khu hi,” ci uh hi.

John 20:31

Ahihang hite hong ki atna sia Jesus in Pathian Tapa Messiah a hina thu, na up natu uh le ama na upna uh tungtawnin, nuntakna na nga thei natu uh ahi hi.

John 5:18

Hi bang a pauna in, Jew thuneite ii Jesus a thalup nopna khangsak seseam hi; Sabbath thukham paltan bek dom ngawlin, Pathian sia ama ii aituam Pa hi a ci ciang, ama le ama Pathian taw a za kikimsak ahi hi.

John 5:37

Kei hong sawlpa ahi Pa zongh in, keima taangin tetti pang hi. Note in ama aw na za ngei bua uh a, a maitang zongh na mu ngei bua uh hi,

John 6:69

Tuaciangin nang sia Pathian kung pan hong pai, a Thiangtho Pa na hi hunlam tu in kong he uh a, kong um uh hi,” ci in zo hi.

John 9:35

Jesus in bang thu teng piang ci in a zaak zawkciang, tuasia pa mu a, “Mihing Tapa na um ziam,” ci in dongh hi.

Sawltakte 1:9

Hi teng a ci zawkciang, amate mu tangin, van ah ama kilato a, meeikaai in lia hi.

Sawltakte 7:37

Israel te tungah, ‘Pathian ii kei hong thataak bangma in, Pathian in note atu kamsaang khat hong paisak tu hi,’ tua pa in noma mi pui khat hi tu hi’ a ci pa sia Moses ahi hi.

Sawltakte 8:36

Tuabangin a pai susuk ciangin tui omna mun khat theng hi, tuaciang Ulianpa in, “Hi sungah tui om hi. Tui ka kiphum natu in bang in hong khak ziam,” ci hi.

Romete 1:4

Pathian pianzia taw ci leang thina panin a lian vaangletna taw a kithawsak kikna in Pathian Tapa a hina kilanghsak hi.

Hebrew te 2:1

Tua hu in ei in thumaan thu ih zaak te pan, lam ih pial ngawl natu in ih kholet seseam kul hi.

2 Peter 1:17

A vaanglianbel Pa in, “Hisia ka it ka Tapa hi a, dik ka sak pa ahi hi!” ci a, Pa Pathian in patoaina le minthanna a piak laitak, tua munah ka om uh hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!