Mark 9:50 - Syin Chin Bible

⁵⁰ “Ci al sia pha hi; ahihang ama in a alna a bosua le, bangbangin alsak kik thei tu nu ziam?” “Na sung uh a, kingualtamh theina ci al na nei tavun, khat le khat kilemna taw na om tavun,” ci hi.

Mark 9:50 Iomraidhean Croise

Job 6:6

Ahizong akua in limna nei ngawl, ci al ngawl an ne zo tu ziam? Aktuui dida sungah bang limna om na ziam?

Psalm Late 133:1

Pathian ii mihingte kituiton takin a teen khop uh ciang bangza in lamdang a, bangza in nuam ziam!

Psalm Late 34:14

Ngitlonate nungngatin a pha vawt vun; na thin theampo uh taw kilemna a om natu in hanciam vun.

Ezekiel 43:24

keima kungah hong paipui ta'n. Thiampite in tua cherub te tungah ci al the tu a, keima hong biakpiakna in hal tu uh hi.

Matthew 5:13

“Mihingte atu in no sia ci taw na kibang uh hi. Ahihang ci sia a alna a thai le ki alsak kik thei nawn ngawl hi. Tua in kimanna nei nawn ngawl a, kivawkin, mihingte in tuanhcil tu hi.

Mark 9:34

Ahihang amate in a zo kik nuam bua uh hi, banghang ziam cile lampi tungah a kinial uh thu sia, akua lianbel ziam ci thu ahihang hi.

Mark 9:49

“Sangaw biakpiakna sia ci al taw a kithiansua bangma in, mihing sim zongh meikuang in thiansua tu hi.

Romete 12:18

Mihing theampo taw kilem a na nuntak thei natu in, noma sang panin na vawt thei theampo na vawt vun.

2 Corinth te 13:11

Tuaciang tu in suapuite awng, mangpha na man tavun! Cialcin natu na hanciam vun; kong thuumna hong ngai tavun; khat le khat na kithukim vun a; kilem takin na nungta vun. Tuaciangin ki itna le thinnopna — Pathian sia note taw hong omkhawm tu hi.

Galatia te 5:22

Ahihang Thaa in itna, lungdamna, thinnopna, thinsauna, dikna, phatna, thumaanna,

Ephesus te 4:29

Kamsia pau heak vun, kammal manphate bek pau vun; kitaangsapna sungah a kizangh thei le hong sato thei kammalte pau vun, tua hile hong za po in, phattuamna nga tu hi.

Philippi te 1:27

Tu in a thupi thu in na nuntakna uh sia Christ lungdamna thu ii dei bang tatak ahi natu thu ahi hi, tua hile kei kong pai thei a, kong pai maw zong note tupna kibang khat tungah kip takin a dingte hi a, deina khat bek taw lungdamna thu upna atu ngaldo khawmte na hi hunlam kong za tu hi.

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

Colossae te 4:6

Na kampau na uh sia a zaak nop huai hi tu a, a lawp huai hi tawntung tu hi, tuaciangin mihing khat sim tungah a maanin na zo kik thei tavun.

1 Thessalonica te 5:13

Amate ii sepna hu in itna le zatakna lianbel taw na kizom tavun. Noma sungah kilemna taw na om tavun.

2 Timothy 2:22

Khangno lungngulnate pialin, tuaciangin thumaan thutang, upna, ki itna, thinnopna sia, thinsung thiangtho taw Topa tungah huna ngen a, a aute taw nga khawm tu in na hanciam in.

Hebrew te 12:14

Mihing theampo taw na kilem tu hanciam vun a, a thiangtho nuntakna taw nuntak tu hanciam tavun, banghang ziam cile kuama in tua ngawl taw Topa a mu buatu hi.

James 1:20

Mihingte thin uukna in, Pathian ii thutang tupna taangtung ngawlsak hi.

1 Peter 3:8

A tawpna ah: note theampo in a kibang ngaisutna le khuaheakna nei tavun; tuaciang khat le khat unau bangin ki it vun. Khat le khat tungah dikin, kiniamkhiak tavun.