Mark 9:5 - Syin Chin Bible

⁵ Peter in Jesus munah, “Syapa awng, hi sungah ih om sia bangza in pha ziam! Buk thum sa tawng, khat nang atu, khat Moses atu, khat Elijah atu,” ci hi.

Mark 9:5 Iomraidhean Croise

Psalm Late 84:10

Na Biakinn sungah ni khat hun zakna sia leidang mun khat pawpo ah kum tulkhat zak sangin phazaw hi; Mihing seksolte inn sungah ka teen sangin ka Pathian inn kongkha ah ka ding nuamzaw hi.

Matthew 17:4

Tua ahikom Peter in, “Topa hi munah ih om sia bangza in nuam ziam? Na uuk le nang atu buk khat, Moses atu buk khat, le Elijah atu buk khat, puanbuk thum kong saksak tu uh hi,” Jesus munah ci hi.

Matthew 23:7

amate in vanhzuakna munah ngual ii paupui tu thangai a, ‘Syapa’ ci in a sap tu uuk uh hi.

Matthew 23:8

Note sia ‘Syapa’ kici ngawl tu nu hi, banghang ziam cile note sia unau khat vive hi a, Sya khat bek na nei uh hi.

Mark 9:4

Tuaciang nungzuite thum in Jesus sia Elijah le Moses taw thuson khawmin a om mu uh hi.

Mark 9:6

Ama le a lawmte lau mama ahikom a pau tu he meal ngawl uh hi.

Luke 9:33

Tua mihingte nii in Jesus a nusiat ciangin, Peter in, “Topa hi sungah ih om sia bangza in nuam ziam? Buk thum sa tawng, nang atu khat, Moses atu khat, Elijah atu khat sa tawng,” ci hi. (Ama in bang teng pau cisia a he tak bua hi).

John 4:31

Tua hun sungin, a nungzuite in Jesus munah, “Syapa awng, bang khat pawpo ne in!” ci uh hi.

Philippi te 1:23

Kei sia ka lang le ka lang panin hong kikang hi. Hi nuntakna nusia in Christ taw ka omkhawm nuam mama a, tua in a phazaw kan thu ahi hi;

1 John 3:2

Ka it lawmte awng, ei sia tu in Pathian ii tate ih hi hi, ahihang bang suak tu hi ziam ci in kician ngawl lai hi. Ahihang Christ hong kilaak ciangin eite sia ama taw kibang tu ih hi hunlam ih he hi, banghang ziam cile ama sia ahi bang tatakin ih mu tu hi.