Mark 9:44 - Syin Chin Bible

⁴⁴ Tua munah amate a ne thanhte in thi ngeingawl a, amate a hal mei in mit ngeingawl hi.

Mark 9:44 Iomraidhean Croise

Isaiah 33:14

Zion ah mawnei mihingte lau na taw liing uh hi. Amate in, “Pathian ii thukhenna sia a kuang tawntung mei khat taw kibang hi. Tuabang meikuang sung pan akua suakta zo thong tu ziam?” ci uh hi.

Isaiah 66:24

“Amate a cia uh ciang kei hong langpan te ii luanghawmte mu tu uh hi. Amate a ne lungte thi ngeingawl tu a, amate kihalna meite kimit ngeingawl tu hi. Amate sia mihing nam theampo in a kiihuai in mu tu uh hi,” ci hi.

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

Mark 9:43

Tua ahikom na khut khat in na upna hong lalsak le saattan in! Khut nii taw hell ngam, a mit ngeingawl meisa sungah na pai uh sangin, khut langkhat nguak taw nuntakna sungah tum le uhte phazaw hi.

Mark 9:45

Tuaciang na peang khat in na upna a lalsak le, saattan in! Hell sungah peang kim in na pai uh sangin, peang lang nguak taw nuntakna sungah tum zaw le uhte phazaw hi.

Mark 9:48

‘Tua munah amate a ne thanhte in thi ngeingawl a, amate a hal mei sia mit ngeingawl hi.’

2 Thessalonica te 1:9

Ama ii mihing theampo le a thu um mihingte tung pan minthanna le vaang piakna a nga tu in, tua Ni Topa hong pai ciang, Topa mai le vaanglet minthan na pan amate kikhen tu a, tawntung lalcipna daan thuak tu hi. Note zongh, ko ii kong son thute um zo na hi uh ciangin tua thu um te sungah na kihel tu uh hi.

Thupualaakna 14:10

Pathian thangsiatna sapittui ne tu uh hi. A thin uukna hai sungah a thahatna a dim in a sunsuk sapittui dawn tu uh hi. Hi bang a ahite theampo in, vantunglalang thiangthote le Tuuno mai a meikuang le kaan sungah vawtsiat zazaanna a thuak tu uh hi.

Thupualaakna 20:10

Tua zawkciang amate a theam Doaimangpa sia nganhing le leilot kamsaangpa kivawkna meili le kaan sungah kivawk hi; tuaciangin amate sia sun taw zan taw a tawntung a tawntung ngim kipia tu hi.

Thupualaakna 20:15

A nungtate min khumna laibu sungah a min a om ngawl peuma meili sungah kilawn hi.

Thupualaakna 21:8

Ahihang a lauthauh, ngual leeheakte, zummawk seamte le ngual thatte, a paktatte, bum le ai toaite, milim biate, le a leilot thei theampo — a om natu sia niivei thina ahi meili le kaan sia ahi hi,” hong ci hi.