Mark 9:43 - Syin Chin Bible

⁴³ Tua ahikom na khut khat in na upna hong lalsak le saattan in! Khut nii taw hell ngam, a mit ngeingawl meisa sungah na pai uh sangin, khut langkhat nguak taw nuntakna sungah tum le uhte phazaw hi.

Mark 9:43 Iomraidhean Croise

Isaiah 1:31

Mei eak leang khat hu a, taangvawng a kak bangma in, mihing thahatte sia a sia a vawtna uh taw ma amate kilalcipsak tu a, amate lalna sia kuama in phel zo ngawl tu hi.

Jeremiah 4:4

No, Judah mite le Jerusalem khua mite awng, na Topa ahi keima taw na vawt uh thuciamna sia keamcing vun a, ka tungah hong ki aap tavun. Tuabangin na hi bua uh le, a siate na vawtna uh hu in ka thin uukna sia mei bangin kuang tu hi. Tuasia kuangin tua meikuang a mit tu kuama om ngawl tu hi,” ci hi.

Matthew 17:27

Ahihang mihingte thin uuksak nuam bua hing. Tua ahikom tuili ah va pai ta'n a, ngasa tangthaak ta'n. Ngasa a awk phitbel sia manin, a kam sung en lete, dangkatang khat om tu hi. Biakinn shia piak tu in kei atu le nang atu kicing tu hi. Va la ta'n a, ih shiate amate va pia ta'n,” ci hi.

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 3:12

Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

Matthew 5:22

Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Mark 9:44

Tua munah amate a ne thanhte in thi ngeingawl a, amate a hal mei in mit ngeingawl hi.

Luke 14:13

Anneakpoai na vawt ciangin, a zawngte, a koncipte, a peangbaite, le mittawte na sam tavun;

Luke 14:21

Naseampa a topa kungah pai kik a, hi thu teng son hi. A topa thin uuk mama a, a naseampa munah, ‘A manlang in khua sung lam theampo ah va pai ta'n a, a zawngte, a koncipte, mittawte, le peangbaite hong ciapui ta'n,’ ci hi.

Luke 3:17

Ama in ankheap natu taangkheaplaw, a khut sungah toai zo hi, zungtaangte hong kheap tu a, a tang teng saal sungah khawmtua in; a theap teng a mit ngeingawl meikuang sungah hal tu hi,” ci hi.

Romete 8:13

Banghang ziam cile mihing pianzia bangin na nungta uh le na thi takpi tu uh hi; ahihang mawna ngamtatnate Thaa taw na thatlum uh le na nungta tu uh hi.

1 Corinth te 9:27

Tua kidemna ah ngual thato zo kasap a kihel zo ngawl pa ka sua ngawl natu in keima le keima kithongin ka pumpi ka ngimsakin ka kitek dipdeap hi.

Galatia te 5:24

Tuaciang Christ Jesus ii neisa ahite in, a mihing pianzia le tua ii uukna le deinate sia thi khawmsak zo hi.

Colossae te 3:5

Note in na sungah na hong seam leitung deinate na thisak uh kul tu hi, tuate sia numei le pa khialna, kiihuai ngamtatna, cii le sa deina zui nopna, ngamtat sia tatnopna, duhopna (duhopna sia milim biakna nam khat ahi hi) te ahi hi.

Titus 2:12

Tua thu thiamna in, eite Pathian dei ngawl nuntakna zia, leitung taw kisai lungngul nate nusia in hong sawl a, hi leitung ah eima le eima a ki uk zo nuntakna, thutang le Pathian dei bang nuntaknate taw ih nuntak tu in hong hil hi.

Hebrew te 12:1

Ei ih hi le, ih kiimkot ah hiza a tam mihonpi tetti ih nei hi. Tua ahikom ih mai hong khak thei na theampo le hong lencip thei mawnate vawkin, ih mai ah tai kidemna sungah thin khensatsa in tai tek tawng.

1 Peter 2:1

Tua ahiciang siatna a minpiang vawk siat in; leilotna, kihitheamsakna, ki eenna, ahibuale kiselnona kam note sungah om nawn heak hen.