Mark 9:32 - Syin Chin Bible

³² Ahihang amate in hi hilna bang ziam ci in a tel bua uh a, dongh zongh a dongh ngam bua uh hi.

Mark 9:32 Iomraidhean Croise

Mark 16:14

A khakbel in, Jesus sia nungzui sawm le khat te anneak laitakin kilak hi. Jesus in amate teih hi, banghang ziam cile amate in upna nei ngawl a, a thin uh pui ahikom, a nuntak kik a mute ii thu son a um zo bua uh hi.

Mark 7:18

“No sia ngualdangte sangin ciimzaw tuan ngawl nu hi. Tel ngawl nu ziam? A pua sang pan hong tum suk na khat pawpo in mihing khat sia ninsak ngawl hi,

Mark 8:33

Ahihang Jesus hong kingeilee a, a nungzuite en in, Peter teih hi. “Kei kung pan tai in Satan awng, na khua ngaisutna Pathian kung pan hong pai hi ngawlin, mihing pianzia sung pan hong pai ahi hi!” ci hi.

Mark 9:10

Amate in a thupiak bangin om uh hi, ahihang amate sung teng kikum uh hi. “Thina pan tho kik ci sia bang a cinopna ziam?” ci uh hi.

Luke 18:34

Ahihang hi thute khat zong nungzuite in a tel bua uh hi; tua kammalte ii khiakna sia amate mun panin kiseal a, Jesus in bang thu son ziam, ci in amate in a tel bua uh hi.

Luke 2:50

Ahizong a nu le a pa in ama zo kikna thu a tel bua uh hi.

Luke 24:45

Tua zawkciang amate Laithiangtho a tel natu in, ama in a thinsung uh honsak a,

Luke 9:45

Ahizong a nungzuite in hi thu ii khiakna a tel bua uh hi. A tel zawk ngawl natu in kiphualseal a, tuaciang amate in, hi thu huvau dongh ngam ngawl uh hi.

John 12:16

A nungzuite in hi thu sia tua hun laitakin a tel bua uh hi; ahihang Jesus minthanna sungah a thawtosak ciangin, laithiangtho in ama huvau, hi bangin at a, amate in hi bangin ama atu in vawt hi, ci sia phawk kik uh hi.

John 16:19

Jesus in ama thu dongh nuam ahi sia tel ahikom amate tungah, “ ‘Tawmvei sungin nong mu buatu uh a, tuaciang tawmvei zawkciangin nong mu tu uh hi,’ hong ci khi hi. Noma sung a na kidok thu in tu sia ahi ziam?

John 4:27

Tua hun laitakin Jesus nungzuite hong heak kik a, Jesus sia numei khat taw thu sawson in om a mu uh ciang, amate in lamdang sa mama uh hi. Ahihang kuama in, “Nang bang nuam ni ziam,” ci in tua numei mun ahizong, “Banghangin hisia nu taw thuson ni ziam,” ci in ama mun ahizong a dongh bua uh hi.