Mark 9:3 - Syin Chin Bible

³ tuaciang a puansilhte paakin tee a — leitung a khat pawpo ii thiansak thei sangin paak zaw lai hi.

Mark 9:3 Iomraidhean Croise

Psalm Late 51:7

Ka mawna hong laakkeaksak ta'n, tua hile ka thiangtho tu hi, hong sil ta'n, tua hile vuuk sang ka ngo zaw tu hi.

Psalm Late 68:14

Vaanglianbelpa Pathian in kumpipate Zalmon Mual tungah a thethaang ciang tua munah ama in vuuk taaksak hi.

Isaiah 1:18

Topa in, “Tu in, thukhensat tawng. Note in mawna chisan na baang uh a, ahihang vuuk bang a thiang tu in kong sil tu hi. Note tungah a sannum baang kale zong, tuu mul bangin na kaang tu uh hi.

Daniel 7:9

Ka et laitakin kumpi tokhumte a om natu san tek ah hong kikoi hi. A nungta tawntung mihing khat sia tua kumpi tokhumte khat tungah to hi. A puante vuuk bangin paak a, a sam sia tuumul taw kibang hi. A kuang muite tungah a kinga a kumpi tokhum sia, meikaang a,

Matthew 28:3

Ama meal sia khualeng taw kibangin, a puansilh sia vuuk bangin paak hi.

Mark 9:4

Tuaciang nungzuite thum in Jesus sia Elijah le Moses taw thuson khawmin a om mu uh hi.

Luke 9:29

Ama thu a nget laitakin, a maitang pianzia hong kikheal a, a puansilhte kaangin tee ziazua hi.

Sawltakte 10:30

Cornelius in, “Tu nung ni thum lai tubang hun nitak nai thum hun khawngin ka inn ah thu ka ngen hi. Thakhat thu in a tee vakil puan a silh pasal khat ka mai ah hong ding a,

Thupualaakna 19:18

Kumpipate, ngalkap maangte, ngalkapte ii sa, siphute le a tung a tote ii sa, mihing theampo, sila le sila ngawlte, a lian a note ii sa ne tu in, hong pai tavun!” ci hi.

Thupualaakna 7:14

“Topa awng, he ngawl khi hi. Nangma he ni hi,” ci in ka zo hi. Ama in, “Hite sia vawtsiatna nasia mama sung pan a suaktate hi. Amate in a puantualte silthiang zo a, Tuuno chi taw kaanghsak zo uh hi.

Thupualaakna 7:9

Hisia zawkciang ka et le, kuama ii sim zawk ngawl tu mihonpi khat om hi! Amate sia minam, bee le phung, ngam tuatuam le kam namcin pan hi a, amate in puantual kaang silh a, a khut sungah palm sawl toai in Tuuno kumpi tokhum mai ah ding uh hi.