Mark 9:29 - Syin Chin Bible

²⁹ “Hi bangte sia thungetna simngawl nadang in notkeak thei ngawl hi,” Jesus in ci hi.

Mark 9:29 Iomraidhean Croise

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Matthew 12:45

Tuasia ciangin ama pusuak in, ama sangin a siazaw lai doai a dang sali hong tumpui a, tua munah teang uh hi. A tawpna ah tua doai ii teenna mihing sia a kipat lai sangin lawmawk zaw hi. Tu lai mihing siate tungah hi bangma piang tu hi,” ci hi.

Matthew 17:20

Jesus in, “Banghang ziam cile noma in upna kicing nei ngawl nu hi. A tatakin kong ci ciang, ankamhtang cia upna nei hi le uhte hi mual munah, ‘Hi sung panin zialai ah kikhiin in,’ ci in sawl le uhte kikhiin tu hi. Na khat pawpo na vawt thei tu uh hi.

Matthew 17:21

Thungetna le an tanna in, hite pawl notkeak zo bek a, nadang in notkeak zo ngawl hi,” ci hi.

Mark 9:28

Jesus inn sungah a sungtan zawkciang a nungzuite in a tuamin dongh a, “Banghangin kote in doai not zo ngawl khu ziam?” ci uh hi.

Mark 9:30

Jesus le a nungzuite in, tua mun nusia in Galilee kaantan in pai uh hi. Jesus in ama omna kuama heak tu a dei bua hi,

Luke 11:26

Tuaciang in ama sangin a ngilo zaw thaa dang sali hong ciapui a, amate in tuasung ah teang uh hi. A tawpna ah tua mihingpa sia, a masa lai sangin lawmawk zaw hi,” ci hi.

Sawltakte 14:23

Amate in pawlpi sim ah pawlpi upate tealin koi uh a, thungetna le an tanna taw amate ii muan ahi Topa tungah tua upate aap uh hi.

1 Corinth te 9:27

Tua kidemna ah ngual thato zo kasap a kihel zo ngawl pa ka sua ngawl natu in keima le keima kithongin ka pumpi ka ngimsakin ka kitek dipdeap hi.

2 Corinth te 11:27

Nasep thil vawt kitatsat ngawl a, mut ka nga ngawl hun tamvei mama hi; ka ngilkial hun le ka dangko hun om a; an ngina ka neak ngawl hun, belh tu nei ngawlin, puansilh ka nei ngawl hun tam pheivei hi.

2 Corinth te 12:8

Hisia hong laak keaksak natu in tua huvau Topa tungah thumvei thu ka ngen hi.

2 Corinth te 6:5

Kote sia hong kivel a, thong sungah hong khumin, hong vawtsia uh hi; naseam leilam in, mu ngawlin, an ne ngawlin ka om uh hi.

Ephesus te 6:18

Hite theampo thungetna taw seam vun a, Pathian munah huna na ngen vun. Thaa ii hong lampui bangin, hun theampo sungah thu na ngen vun. Hi thu hu in pilvangin, thinkiam ngei heak vun; Pathian ii mihingte theampo atu thu na ngen tawntung vun.

James 5:15

Hi upna taw thungetna in ciina damsak tu hi. Topa in ciidamna pia kik tu a, tuaciang mawna a vawtte kimaisak tu hi.