Mark 9:26 - Syin Chin Bible

²⁶ Thaa ngilo cik-au a, patang sia nasia takin a kikaikinsak zawkciang pusuak hi. Patang sia mithi luang bang hi a, a kuama po in “Ama thi zo hi,” ci uh hi.

Mark 9:26 Iomraidhean Croise

Pusuana 5:23

Nangma atu thu son tu in kumpipa kung ka pai pan kipan amate vawtsia hi. Tua hi a, nangma in amate hu natu bangma na seam bua hi!” ci hi.

Matthew 15:22

Tua ngam ah a teang Canaan numei khat ama kungah hong pai hi. “David Tapa awng!” ci in au a, “Topa hong hesuak ta'n! Ka tanu doai vei in ngim mama hi,” ci hi.

Mark 1:26

Doai in pasalpa thing zazaan a, a nging in a cik-au zawkciang pasalpa sung pan pusuak hi.

Mark 9:18

Thaa ngilo ii ama a vawtsiat simin, leiliik in, a kam pan cilphuan tha a, a haci in, a pum buppi tak hi. Na nungzuite munah thaa ngilo hong nawkeaksak natu ka nget hang, amate in a not zo bua uh hi,” ci hi.

Mark 9:20

Amate in patang sia Jesus kungah paipui uh hi. Jesus a mu po ciang thaa ngilo in patang sia kikaikinsak a, lei ah pukin kilumliik a cilphuan tha hi.

Mark 9:25

Mipite in ama uumci tu a kithoai sia Jesus in mu ahikom thaa ngilo tungah, thupia a, “Nangong le a pau thei ngawl thaa ngilo awng, patang sung pan hong pusuak ta'n a, ama sungah tum kik nawn heak in, ci in thu kong pia hi,” ci hi.

Mark 9:27

Ahihang Jesus in patang khut pan zamh a, a phokto ciang ama hong ding hi.

Thupualaakna 12:12

No, vantungte le tua munah a teangte awng, lungdam vun! Ahihang leitung le tuipi atu bangzata in lauhuai ziam! Banghang ziam cile doaimangpa sia no kungah hong pai suk zo a, hun tawm cilik bek nei lai ahi hunlam he in, thangsiatna taw kidim hi,” a ci hi.