Mark 9:25 - Syin Chin Bible

²⁵ Mipite in ama uumci tu a kithoai sia Jesus in mu ahikom thaa ngilo tungah, thupia a, “Nangong le a pau thei ngawl thaa ngilo awng, patang sung pan hong pusuak ta'n a, ama sungah tum kik nawn heak in, ci in thu kong pia hi,” ci hi.

Mark 9:25 Iomraidhean Croise

Zechariah 3:2

Topa vantunglalang in Satan munah, “Topa in nang hong puavawk tahen, Satan awng! Jerusalem a it Topa in nang hong puavawk tahen. Hi sia pa in meikhuk sung pan a kiteen kik thingkhua khat taw kibang hi,” ci hi.

Matthew 12:22

Tua zawkciang mihing pawlkhat in Jesus kungah doai a vei hu in mittaw a, a pau thei ngawl pasal khat hong paipui uh hi. Khuamu thei a, a pau thei natu in, Jesus in damsak hi.

Matthew 17:18

Jesus in doai tungah thupia a, tuasia ciangin patang sung pan doai pusuak a, tua hun lian ma in a patang sia dam hi.

Mark 9:15

Mihonpite in Jesus a mu ciangin lamdang sa mama uh a, ama delin muak tek uh hi.

Mark 9:24

Thakhatin a pa au a, “Upna nei khi hi, ahihang kicing tham ngawl hi. A kicing zaw ka nei natu in hong hu ta'n!” ci hi.

Mark 9:26

Thaa ngilo cik-au a, patang sia nasia takin a kikaikinsak zawkciang pusuak hi. Patang sia mithi luang bang hi a, a kuama po in “Ama thi zo hi,” ci uh hi.

Luke 11:14

Jesus in a pau thei ngawl doai khat notkeak hi; doai hong pusua zawkciang mihingpa pau thei hi. Mihonpi in lamdang sa uh a,

Luke 4:35

Jesus in thaa tungah thupia a, “Thim in, pasalpa sung pan pusuak in!” ci hi. Doai in mihingpa sia amate mai ah lei denna in nei a, bangma dang tatsak ngawlin a sung pan pusuak hi.

Luke 4:41

Mipite sung panin, doaite pusuak a, “Nang sia Pathian Tapa na hi hi,” ci in au uh hi. Jesus in doaite a pau ngawl natu thupia hi, banghang ziam cile ama sia Messiah ahi hunlam doaite in he uh hi.

Luke 8:29

Hi bangin a ci thei sia banghang ziam cile, Jesus in thaa ngilo munah, ama sung pan a pusua natu thupia zo ahihang hi. Tamvei mama thaa ngilo in ama man a, ama thong sungah a khut le a peangte thikkol bulin a kikhum hang, a thikkolte saantat in, sennealngam sungah doai in not hi.

Luke 9:42

Patang sia hong paipui laitakin doai in lei denna in nei a, butthi in kaikinsak hi. Jesus in thaa ngilo tungah thupia a, patang sia damsakin, a pa tungah aap kik hi.

Sawltakte 16:18

Ni tam mama sung hi bangin, Paul a thin uuk dong au a, Paul a thin uuk ciang kingeilee in, doai munah, “Jesus min taw numei nu sung pan na pusua natu thu kong pia hi,” ci hi. Tua hun lian laitakin, doai in numei nu sung panin pusuak hi!

Jude 1:9

Vantunglalangte sung pan a lianbel Michael zongh in hi bangin ngamta ngawl hi. Moses luanghawm sia Doaimangpa taw a kituu laitakin, Michael in Doaimangpa sia kamsia taw na lang ngawl a, “Topa in nang hong teih tahen,” na ci bek hi.