Mark 9:20 - Syin Chin Bible

²⁰ Amate in patang sia Jesus kungah paipui uh hi. Jesus a mu po ciang thaa ngilo in patang sia kikaikinsak a, lei ah pukin kilumliik a cilphuan tha hi.

Mark 9:20 Iomraidhean Croise

Mark 1:26

Doai in pasalpa thing zazaan a, a nging in a cik-au zawkciang pasalpa sung pan pusuak hi.

Mark 9:18

Thaa ngilo ii ama a vawtsiat simin, leiliik in, a kam pan cilphuan tha a, a haci in, a pum buppi tak hi. Na nungzuite munah thaa ngilo hong nawkeaksak natu ka nget hang, amate in a not zo bua uh hi,” ci hi.

Mark 9:19

Jesus in, “Bangzata in a um ngawl mihingte hi thong nu ziam! Bang tanvei no taw hong omkhawm zo tu khi ziam? Bang tanvei hong khual zo tu khi ziam? Patang sia ka kungah hong paipui tavun!” ci hi.

Mark 9:21

Jesus in, “Hi bang ahithei zawk ngei zo ziam?” ci in a pa dongh hi. “A no lai pan ma hi,” ci in zo kik hi.

Mark 9:26

Thaa ngilo cik-au a, patang sia nasia takin a kikaikinsak zawkciang pusuak hi. Patang sia mithi luang bang hi a, a kuama po in “Ama thi zo hi,” ci uh hi.

Luke 4:35

Jesus in thaa tungah thupia a, “Thim in, pasalpa sung pan pusuak in!” ci hi. Doai in mihingpa sia amate mai ah lei denna in nei a, bangma dang tatsak ngawlin a sung pan pusuak hi.

Luke 8:29

Hi bangin a ci thei sia banghang ziam cile, Jesus in thaa ngilo munah, ama sung pan a pusua natu thupia zo ahihang hi. Tamvei mama thaa ngilo in ama man a, ama thong sungah a khut le a peangte thikkol bulin a kikhum hang, a thikkolte saantat in, sennealngam sungah doai in not hi.

Luke 9:39

Doaite khat in au khat sua in, ama man a, ama ii kam pan cilphuan tha in butthi kaikinsak a, tawlnga ngawlin vawtsia a, thasua nuam ngawl hi.

Luke 9:42

Patang sia hong paipui laitakin doai in lei denna in nei a, butthi in kaikinsak hi. Jesus in thaa ngilo tungah thupia a, patang sia damsakin, a pa tungah aap kik hi.

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.