Mark 9:19 - Syin Chin Bible

¹⁹ Jesus in, “Bangzata in a um ngawl mihingte hi thong nu ziam! Bang tanvei no taw hong omkhawm zo tu khi ziam? Bang tanvei hong khual zo tu khi ziam? Patang sia ka kungah hong paipui tavun!” ci hi.

Mark 9:19 Iomraidhean Croise

Psalm Late 78:22

banghang ziam cile amate in ama sungah upna nei ngawl a, amate hun tu in um ngawl hi.

Mi Simna 14:11

Topa in Moses tungah, “Hi mipite in bang tanvei kei hong nial lai tu ziam? Amate sungah nalamdang lakna tam mama vawt zo napi, hong muang ngawlin bang tanvei hong nial tu ziam?

Mi Simna 14:22

hi mite khat zongh Canaan ngam tum tu in nungta ngawl tu hi cisia kong kamciam hi. Amate in ka ompuina khuavak taang velvol sia le Egypt ngam le duisung ah nalamdang lakna ka vawtte mu zo napi ka thu ni nuam ngawlin hong nial a, pehial pehial in ka thin uai na hong ze et uh hi.

Mi Simna 14:27

“Hi mihing seksolte in bang tanvei kei hong phunsan lai tu ziam? Hong phutsatnate ka zaak tam zo hi!

Matthew 17:17

“Bangza ta in upna nei ngawlin a khial mihingte hi nu ziam! No taw bang tan vei hong omkhawm tu khi ziam? A bang tanvei hong dual zo tu khi ziam? Patang sia keima kungah hong paipui tavun!” ci hi.

Mark 16:14

A khakbel in, Jesus sia nungzui sawm le khat te anneak laitakin kilak hi. Jesus in amate teih hi, banghang ziam cile amate in upna nei ngawl a, a thin uh pui ahikom, a nuntak kik a mute ii thu son a um zo bua uh hi.

Mark 9:18

Thaa ngilo ii ama a vawtsiat simin, leiliik in, a kam pan cilphuan tha a, a haci in, a pum buppi tak hi. Na nungzuite munah thaa ngilo hong nawkeaksak natu ka nget hang, amate in a not zo bua uh hi,” ci hi.

Mark 9:20

Amate in patang sia Jesus kungah paipui uh hi. Jesus a mu po ciang thaa ngilo in patang sia kikaikinsak a, lei ah pukin kilumliik a cilphuan tha hi.

Luke 24:25

Jesus in amate tungah “Bangza ta in mawmaw nu ziam? Kamsaangte son theampo bangza in um thei papaih ngawl nu ziam?

Luke 9:41

Jesus in zo kik a, “Bangzata upna nei ngawl a mikhialte hi nu ziam! No taw bang tanvei hong omkhawm zo tu a, bang tanvei hong dual zo tu khi ziam? Na tapa hi sungah hong paipui ta'n,” ci hi.

John 12:27

“Tu in ka thinngim hi — tua hi a, bang son tu khi ziam? ‘Pa awng, hi hun sia kei tungah hong tungsak heak in,’ ci tu khi ziam? Ahihang kong paina thu in hi thuakna hun a nawk tu ma in hong pai ka hi hi.

John 20:27

Tua zawkciang, Thomas tungah, “Na khutme taw hi sung hong tham ta'n, ka khutte hong en ta'n; tuaciang na khut vaan in ka pangh hong tham ta'n. Um khial heak in, um takpi in!” ci hi.

Thuhil kikna 32:20

‘Amate ka hu nawn buatu hi,’ ama in ci hi; ‘tuasia ciang a thinpuite le a thumaan ngawl mite tungah bang piang ziam ka en tu hi.