Mark 8:6 - Syin Chin Bible

⁶ Ama in mihonte lei ah to tu in sawl hi. Tua zawkciang ama in anluum sali teng la in, Pathian tung lungdamko in, balneen a, nungzuite ii mihonte a hawmsak tu in pia hi; tuabang ma in nungzuite in hawm uh hi.

Mark 8:6 Iomraidhean Croise

Matthew 26:26

A an neak uh laitakin, Jesus in anluum bek khat la in, lungdamko thungetna a nei zawkciang, baltham in a nungzuite pia hi. “La in ne vun, hisia in ka pumpi ahi hi,” ci hi.

Mark 8:20

“Tuaciang anluum sali taw mihing tulli ka vaak lai in a khawn laak uh khum bangza khawm kana nu ziam?” ci hi. “Khum sali,” ci in zo uh hi.

Mark 8:5

“Anluum bangza nei nu ziam?” ci in Jesus in dongh hi. “Luum sali” ci in zo uh hi.

Mark 8:7

Amate in ngasa no pawlkhat zongh nei uh hi. Jesus in hite atu lungdamko a, nungzuite tungah hawm vun ci hi.

Luke 12:37

Ama hong cia kik ciangin a kinging sa in a om, a khuaphawk naseamte, a topa in a mu ciang amate bangzata in thupha a nga tu ziam? A maan takin kong ci ciangin, a topa in a laktong puasilh suut tu a, amate a tosak zawkciang anvaak tu hi.

Luke 24:30

Amate taw an ne tu in to a, anluum la in thupha a piak zawkciangin, balneen in amate pia hi.

John 2:5

Jesus ii nu in, naseamte munah, “Ama hong sawl babangin vawt vun,” ci hi.

John 6:23

Topa ii lungdam a ko zawkciang mihon ii anluum neakna mun taw a kinaina tuili vaal ah, Tiberias pan hong pai ngunkuang dangte hong theng hi.

Romete 14:6

Ni tuam khat a thupi tuamin a ngaisun sia in Topa upatna taw ngaisun ahi hi; bang khat po a ne khat in Topa upatna taw ne ahi hi; banghang ziam cile ama in Pathian ii a piak an atu in lungdamko hi. Bang khat po neak tu a ten sia zongh in Topa upatna taw a ten hi a, ama zongh in Pathian tungah lungdamko hi.

Colossae te 3:17

Na sep, na son uh theampo hu in, Pa Pathian tungah lungdam na ko uh ciangin, Topa Jesus min taw na vawt tu uh hi.