Mark 8:38 - Syin Chin Bible

³⁸ Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

Mark 8:38 Iomraidhean Croise

Daniel 7:10

tua mun panin meikuang a kipee in hong pusuak hi. Ama ii naseam tu in mihing tul tam mama tua munah om a, ama mai ah mihing awn tam mama ding uh hi. Thukhen natu hun kipan a, laibute kihong hi.

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Zechariah 14:5

Mual khen nii in a khen, tua kuam kaantanin no na suakta tu uh hi. Judah kumpipa Uzziah hunsung zinliin lai in, na taanghpupite tai bangin na tai tu uh hi. Topa ka Pathian in vantunglalang theampo hong pai pui tu hi.

Matthew 12:39

Jesus in, “Tu hun mihingte sia, bangzata in sia a, Pathian nei ngawl ziam! Nalamdang lakna hong ngen na hi uh ziam? Hong pia ngawl tu khi hi! No tung a hong kipia tu nalamdang lakna in kamsaangpa Jonah, nalamdang lakna sia bek hi tu hi.

Matthew 13:41

Mihing Tapa in, midangte a khialsakte le a sia vawt theampo khawm tu in, a vantunglalangte sawl tu a,

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 16:4

Hi hun ah mihingte bangza in khansia a Pathian um ngawl ziam? Nalamdang lakna hong ngen na hi uh ziam? Vawt ngawl tu khi hi! Jonah nalamdang lakna khat sia bekma note tungah hong kipia tu hi,” ci hi. Tuaciang, amate nusia in paisan hi.

Matthew 24:30

Tuasia ciang Mihing Tapa ii lim sia van ah hong kilangh tu hi; Mihing Tapa sia van ah meeikaai tung pan vaangletna le minthanna lianpi taw hong pai a mu uh ciangin, leitung mihing theampo kap tu uh hi.

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Matthew 26:64

“Nangma ci bang ahi hi. Ahihang na vekpi tungah kong ci hi: tu pan kipan Mihing Tapa sia Vaanglianbelpa ii ziatsang ah to a, van a meeikaai tung pan hong pai na mu tu uh hi!” ci hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Mark 13:26

Tua zawkciangin Mihing Tapa sia hong kilangh tu a, meeikaai sungah vaangletna le minthanna lianpi taw hong pai tu hi.

Mark 14:62

“Hi khi hi, no theampo in, Mihing Tapa sia Vaanglianbelpa ziatsang ah to in, vantung ah meeikaaite taw hong pai na mu tu uh hi,” ci in Jesus in zo hi.

Mark 8:37

A nuntakna a nga kik natu in, a piak thei tu bangma om ngawl hi.

Luke 19:26

Ama in zo kik a, ‘A tatakin ka ci ciangin, bang khat po a nei mihing sia ii tungah a tamzaw kipia tu hi; ahihang bangma a nei ngawl mihing khat ii tung panin a nei sun po kilaaksak lai tu hi,’ ci hi.

Luke 9:26

Mihing khat in kei le ka hilnate tungtaang ah a mai a zum le, Mihing Tapa in ama ii vaangletna, Pa vaangletna le vantunglalang thiangthote ii vaangletna taw hong pai ciangin tua mipa tungah a maizum tu hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

John 1:51

Tuaciang in amate tungah, “Thumaan hong son khi hi: vantung kihong na mu tu a, Mihing Tapa tungah Pathian ii vantunglalangte a tuaksuk a kaato kithalee in a om na mu tu hi,” ci hi.

John 12:34

Mihonpi in “Ih Thukham in Messiah nungta tawntung tu in hong son hi. Tua ahile bangbangin Mihing Tapa kilaamto tu hi, ci thei ni ziam? Hi Mihing Tapa sia akua ziam?” ci uh hi.

John 5:27

Tuaciang ama ii Tapa sia thukhen theina thupia zo hi, banghang ziam cile ama Mihing Tapa ahi hi.

Sawltakte 10:22

“Ngalkap bu Cornelius in kote hong sawl hi,” ci hi. “Ama sia Pathian a bia mihing pha khat hi a, Jew te theampo in zakta uh hi. Pathian vantunglalang khat in, ama tungah na son tu thute a zaak thei tu in nang hong sap tu in sawl hi,” ci hi.

Sawltakte 5:41

Sawltakte in Council a nusiat ciang, Jesus atu in maizum thuak tu, Pathian in kiphu sa ahikom lungdam uh hi.

Romete 1:16

Lungdamna thupha sungah a kicingin muanna ka nei hi; tua in a umte theampo kingup natu Pathian ii vaangletna hi a Jew mite atu hi photin, tua zawkciang Gentile te atu zongh ahi hi.

Galatia te 6:14

Ahizong kei ka hile ih Topa Jesus Christ ii thinglamtee bekma ka kiphatsak pui tu hi; banghang ziam cile ama ii thinglamtee hangin leitung sia kei atu in a thisa hi a, keima in leitung atu in a thisa ka hi hi.

Thuhil kikna 33:2

Sinai Mual pan Topa hong pai a; Edom ngam tungah ni bangin suak in, Paran Mual pan a mite tungah taang hi. Vantunglalangte tulsawm ama taw omkhawm a, a ziatsang khut taw meikuang khat toai hi.

1 Thessalonica te 2:19

A huamin ci leang, note sia — ngualdang hi ngawl! — note sia kote lametna, lungdamna le zawna ka nga uh hu in Topa Jesus hong pai ciang, ama mai ah ka kisuantaakna na hi tu uh hi.

1 Thessalonica te 3:13

Hi bangin ama in no hong thahatsak tu a, ama ii neisa mihing theampo taw Topa Jesus hong pai ciang, ih Pa Pathian omna ah sit baang ngawlin na thiangtho tu uh hi.

2 Timothy 1:12

tuaciangin hi thu hu in hite ka thuak hi. Ahihang thinmuanna taw ka kidim nginge lai hi, banghang ziam cile ka uppa ka he a, ama in kei hong muang a hong aapsa teng sia tua Ni dong ama in hong kepcingsak thei tu ci in ka he hi.

2 Timothy 1:16

Topa in Onesiphorus innkuan sungah hesuakna tungsak tahen, banghang ziam cile tamvei ma ka thin hong nuamsak hi. Thonginn sungah ka om sia, ama in hong maizumpui ngawl a,

2 Timothy 1:8

Tua ahikom, Topa atu tetti panna ah maizum heak in, Christ atu in thongtaakpa kei atu zonghin maizum heak in. Tua hi zaw ngawlin Pathian nasep natu thahatna hong piak bangin, Lungdamna Thupha atu thuakna sungah na kihel in.

Hebrew te 11:16

Amate ii lungngul sia ngam phazaw, vantung ngam hi zaw hi. Tua ahikom Pathian in amate ii Pathian hi a kici sia a mai a zum bua hi. Banghang ziam cile ama in, amate atu khuapi khat vawtkhol sa in koisak hi.

Hebrew te 11:26

Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.

Hebrew te 13:13

Tua ahikom, eite zongh ngiaphual puasang, ama kung zuanin a maizumnate thuak pui tawng.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

1 John 2:23

Banghang ziam cile Tapa a nial pawpo in Pa zongh nial hi. Tapa a saang pawpo in Pa zongh nei hi.

1 John 2:28

Hi hi, ka tate awng, ama taw pumkhat in na om vun, tua hile ama hong kilangh ciangin eite sia thinletna taw ih kidim tu a, ama ii hong pai Ni ciangin maizum in ih buk a kul buatu hi.

Thupualaakna 14:10

Pathian thangsiatna sapittui ne tu uh hi. A thin uukna hai sungah a thahatna a dim in a sunsuk sapittui dawn tu uh hi. Hi bang a ahite theampo in, vantunglalang thiangthote le Tuuno mai a meikuang le kaan sungah vawtsiat zazaanna a thuak tu uh hi.