Mark 8:34 - Syin Chin Bible

³⁴ Tua zawkciang Jesus in mihonte le a nungzuite ama kungah sam a, “Mihing khat po in kei hong zui nuam le, ama le ama kinial in, a thinglamtee pua in hong zui tahen.

Mark 8:34 Iomraidhean Croise

1 Kumpite 14:8

David suan le paalte khut sung panin kumpi ngam ka lakeak a, nang kong pia hi. Ahihang nang sia ka naseampa David bang na hi bua hi, ama sia kei tungah hong thumaan tinten a, ka thupiakte ni in, ka thukim teng bek seam hi.

Mi Simna 14:24

Ahizong ka naseampa Caleb ii khuangaisutna sia a tuam hi a, kei tungah thumaan lai ahikom a ngam vilna leitang ah ka paipui tu a, tuaciang a suan a paalte in

Matthew 10:38

a kuama po, a thinglamtee kisuanhin ka nung hong zui ngawlte, kei nungzui tu in kiphu ngawl hi.

Matthew 16:24

Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

Matthew 27:32

Amate a pusua uh ciang, Cyrene mi Simon a kici khat taw kisi uh a, ngalkapte in zawthawk thu taw Jesus thinglamtee puasak uh hi.

Mark 10:21

Jesus in ama itna taw en in, “Na kisap khat bek om lai hi. Va pai ta'n a na neisa theampo zuakin, na sum nga teng mizawngte pia ta'n; tuasia ciang vantung ah hauna na nei tu hi; tua zawkciang hong pai ta'n a, ka nung hong zui ta'n,” ci hi.

Mark 7:14

Jesus in mihonpite khatvei ma sam kikin, “Na vekpi in hong ngai tavun a, tel vun.

Luke 13:24

“Kongkha ciakna sungah na tum thei natu in, hanciam vun; banghang ziam cile mihing tam mamate in tum tu in hanciam tu a, a tum zo buatu uh hi.

Luke 14:33

Tuabang ma in note khat pawpo in na neisa theampo na nusia bua uh le, ka nungzui na suak thei buatu uh hi” ci hi.

Luke 18:22

Jesus in hi thu a zaak ciangin ama tungah, “Na khat nasep tu kisamh lai ni hi. Na neisa teng zuakin a, na sum nga teng a zawngte pia in, tua hile vantung ah hauna na nei tu hi; tua zawkciangin hong pai ta'n a, ka nung hong zui ta'n,” ci hi.

Luke 20:45

Mihing theampo in ama thu a ngai laitakin, a nungzuite munah,

Luke 9:23

Tuaciangin amate theampo tungah hi bangin ci hi, “Kei nung hong zui nuam khat po in ama le ama kinial in a thinglamtee ni simin pua in hong zui tahen.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

John 19:17

A thinglamtee pua in ama hong pusuak a, “Lungu Mun” a kici na hong theng hi. (Hebrew kam in Golgotha kici hi)

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Romete 6:6

Tuaciangin hi thu ih he hi, ih nuntakna a lui sia thinglamtee tungah Christ taw ih thisak zo a, mawna silate ih hi nawn ngawl natu, mawna vaangletna a kilalcipsak natu in ih nuntakna lui sia Christ taw ama thinglamtee tungah kithisak zo ci in ih he hi.

Romete 8:17

A tate ih hi zawk nungsang a mite atu a khealsia thuphate ih lua tu a, Christ atu a Pathian ii a koi nate zongh ih lua tu hi; banghang ziam cile Christ ii thuakna ih thuakpui le a minthanna zongh ih lua tu hi.

1 Corinth te 15:31

Ka suapuite awng, ni simin thina ka maingat hi! Note hu in, ih Topa Christ Jesus taw kipumkhat a, ih nuntakna hangin note sungah ka nei, hi kiphatsakna in hi bangin hong pausak hi.

1 Corinth te 8:13

Tua ahikom an in ka suapuipa a khialsak le, ka suapuipa sia mawna sungah ka puksak ngawl natu in, sa ka ne kik ngei nawn buatu hi.

1 Corinth te 9:19

Keima in kuama ii sila ahi ngawl, mihing suakta khat ka hi hi; ahihang mihing a tam thethei ka nga natu in ngual theampo ii sila ka kisuaksak hi.

Galatia te 2:20

tua ahikom, a nungta sia kei ka hi nawn bua a, ahihang kei sungah a nungta sia Christ ahi hi. Tu a ka nuntakna sia ahile kei hong it a, a nuntakna kei atu hong pia Pathian Tapa ka upna taw a nungta ka hi hi.

Galatia te 5:24

Tuaciang Christ Jesus ii neisa ahite in, a mihing pianzia le tua ii uukna le deinate sia thi khawmsak zo hi.

Galatia te 6:14

Ahizong kei ka hile ih Topa Jesus Christ ii thinglamtee bekma ka kiphatsak pui tu hi; banghang ziam cile ama ii thinglamtee hangin leitung sia kei atu in a thisa hi a, keima in leitung atu in a thisa ka hi hi.

Philippi te 3:10

Christ heak tu le ama thaw kikna vaangletna siim tu, ama thuaknate thuakpui tu, a thina sungah ama taw kiban tu sia ka dei bulpi ahi hi,

Philippi te 3:7

Ahihang meetna in ka ngaisut thei thute theampo sia tu in Christ atu hangin supna hizaw hi ci in ka tuat hi.

Colossae te 1:24

Tu in no atu ka thuak nate tungtaang ah ka lungdam hi, banghang ziam cile a pumpi ahi pawlpi atu Christ ii thuak tu a om laite a khuangkhim natu in keima in cii le sa taw ka thuak ciangin a hu ka hi hi.

Colossae te 3:5

Note in na sungah na hong seam leitung deinate na thisak uh kul tu hi, tuate sia numei le pa khialna, kiihuai ngamtatna, cii le sa deina zui nopna, ngamtat sia tatnopna, duhopna (duhopna sia milim biakna nam khat ahi hi) te ahi hi.

2 Thessalonica te 3:11

Hi bangin kong ci theina uh sia, no sungah mihing pawlkhat datham a, ngual nasepna kamkumh in, nawngkaisak tu ci simngawl sep dang nei ngawl ci in ka za uh hi.

Titus 2:12

Tua thu thiamna in, eite Pathian dei ngawl nuntakna zia, leitung taw kisai lungngul nate nusia in hong sawl a, hi leitung ah eima le eima a ki uk zo nuntakna, thutang le Pathian dei bang nuntaknate taw ih nuntak tu in hong hil hi.

Hebrew te 13:13

Tua ahikom, eite zongh ngiaphual puasang, ama kung zuanin a maizumnate thuak pui tawng.

1 Peter 4:1

Christ in a pumpi ngim thuak ahikom in, note zongh ama khua ngaisutna bangma nei in noma le noma na kithahatsak nanak vun; banghang ziam cile a kuama po pumpi taw a thuak sate sia, mawna sungah a tualta nawn bua hi.

1 Peter 4:13

Christ ii vaangletna hong kilangh ciangin, lungdamna a cingin na nga thei natu in, ama thuaknate thuakpui na hi uh komin, lungdam zaw tavun.

2 Peter 1:14

Ih Topa Jesus Christ ii a thiang tak a hong sonsa bangin, hi a thithei pumpi sia suut pal tu cisia ka kihe hi.

1 John 3:16

Christ in eite atu a nuntakna hong piakna hangin eite in ki itna sia bang ziam ci in ih he hi. Tua ahiciang eite zongh, ih suapuite atu ih nuntakna ih piak ngam kul tu hi!

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.