Mark 8:31 - Syin Chin Bible

³¹ Tua zawkciang Jesus in a nungzuite hilna nei tu in kipan hi. “Mihing Tapa in nasia takin ngimna thuak tu a, upate, thiampi liante le Thukham hil syate in nial tu uh hi. Ama thatlum tu a, ni thum zawkciang nuntakna sungah tho kik tu hi,” ci hi.

Mark 8:31 Iomraidhean Croise

Psalm Late 118:22

Inn sate in mannung sa ngawl a, a nil suangtum sia a thupibel hong suak hi.

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Hosea 6:2

Ni nii, ni thum sungin eite tha thak hong pia kik tu a, ama ompui na ah ih nungta tu hi.

Jonah 1:17

Topa sawl bangin ngasa lian khat in Jonah valh a, ama sia ngasa ngil sungah sun thum le zan thum om hi.

Matthew 12:40

Jonah in sun thum le zan thum ngasa lian ii ngil sungah a om bangin, Mihing Tapa zongh sun thum le zan thum leithukna sungah om tu hi.

Matthew 21:42

Jesus in, “Laithiangtho ci thu sia sim ngeingawl nu ziam? ‘Inn sate ii mannung ngawl a sak a nil suangtum sia a kizanghbel suangtum hong suak hi. Hi thu in Topa ii nasep na hi a; ih mu ciangin lamdang mama hi!’

Matthew 27:63

“Topa awng, mihing leilot pa in a nuntak lai in, ‘Ni thum zawkciang, nuntakna sungah hong kitho kiksak tu hi,’ a ci ngei sia ka phawk uh hi.

Mark 12:10

Laithiangtho sungah hi bangin a ki at sia sim ngeingawl lawlawm nu ziam? ‘Inn sate ii mannung ngawl hi ci a, a nil suangtum sia a thupibel suangtum suak hi.

Luke 17:25

Ahizong ama in nasia takin hong thuak masa tu a, tu hun mihingte in hong nial tu hi.

Luke 24:26

Messiah in hite a thuak phot tu kul a, tua zawkciangin vaangletna sungah tum tu hi ngawl ziam?” ci hi.

Luke 24:44

Tua zawkciang ama in, “Note taw kong om lai a, kong sonsa thu teng veuma ahi hi: kei taw kisai a ki at, Moses thukhamte, kamsaangte lai atte, le Psalm te hong taangtun kul hi,” ci hi.

John 12:48

Kei hong nial a, kong thupuak a saang ngawl peuma ama tungah thukhen tu khat a nei hi. Ka pau sa kammal te in ni tawpkhak ni ciangin ama ii thukhenpa hi tu hi!

John 2:19

Jesus in, “Hi Biakinnpi baltham vun, ni thum sungin sa kik tu khi hi,” ci in zo hi.

Sawltakte 7:35

“Moses sia Israel te ii a nial pa ahi hi. ‘Akua in nang sia, ko hong uk tu le ko tungah thukhen tu in, hong koi ziam?’ ci in dongh uh hi. Sawlpaang kuang sung pan ama tungah a kilak vantunglalang ii huna taw, Pathian in amate a uk tu le a suaktasak tu in ukpa le hunpa tu in, a thataak pa ahi hi.

1 Corinth te 15:4

tuaciang ama kiphum a, ni thum zawkciangin Laithiangtho ii at bangma in nuntakna sungah kithosak hi;

1 Samuel 10:19

Keima sia na Pathian ka hi a, noma ngimna theampo le haksatna theampo panin hong suatak pa khi hi, ahihang tuni in hong nial in, kumpipa khat piak tu in nong ngen uh hi. Pha mama hi, tua ahile, Topa mai ah a nam le a bee a phung zui in hong kikhawm tavun,’ ” ci in son hi.

1 Samuel 8:7

tuaciang Topa in, “Mipite ii nang tungah hong son theampo ngai in. Amate ii nial sia nang hi ngawl ni hi; keima sia a kumpipa ka hina hong nial hi.