Mark 8:22 - Syin Chin Bible

²² Amate Bethsaida khua hong theng a, ama ii tham tu in mittaw pasal khat mihing pawlkhat in Jesus kungah hong paipui hi.

Mark 8:22 Iomraidhean Croise

Matthew 11:21

“Nang atu in bangza in lauhuai ziam, Chorazin awng! Nang atu in bangza in lauhuai ziam, Bethsaida awng! Tyre le Sidon khuate tungah note sungah hong kivawt nalamdang laknate kivawt thong le, a mihingte in khau-ip puan silh in, amate tungah vut kithe in, mawna kisiik kikna a lak zawk ngei zo tu hi.

Matthew 14:36

A puanmong beak ahizong ciinate a thamsak natu in, ama tungah ngen uh hi. Tuaciang a puanmong a tham theampo damsak hi.

Matthew 8:15

Jesus in Peter sunghnu khut thamsak hi; a cisa natna dam a, tho in Jesus zindo hi.

Matthew 8:3

Jesus in a khut zan a, ama thamin, “Hong damsak nuam khi hi, dam ta'n,” ci hi. Thakhat thu in, pasalpa a natna pan dam hi.

Matthew 9:29

Tuasia ciangin Jesus in, a mitte thamsak a, “Na up uh bangin piang tahen!” ci hi.

Mark 2:3

pasal li hong theng a, Jesus kungah pumzaw pasal khat puak hi.

Mark 3:10

Ama in mihing tam mama damsak hi, tuaciang natna nei peuma in ama tham tu in kiphul ngawp uh hi.

Mark 6:45

Mipite a ciasak lanin Jesus in nungzuite ngunkuang tungah tosak a, tuili langkhat Bethsaida khua ah a paikhol tu in sawl hi.

Luke 10:13

“Nang atu in bangza in lauhuai ziam, Chorazin awng! nang atu in bangza lauhuai ziam, Bethsaida awng! no sungah hong kivawt nalamdangte Tyre le Sidon ah kivawt thong le tua khua mite in, a mawnate pan kisiik kikna uh, a kilangh natu in, khuangeipi pek lai panin, khau-ip puan silhin to in amate le amate vut kithe tu uh hi!

Luke 9:10

Sawltakte hong cia kik uh a, amate sep sa theampo Jesus tungah ko uh hi. Ama in amate paipui in, Bethsaida a kici khuapi zuan uh hi.

John 1:44

(Philip sia Andrew le Peter te ii teenna Bethsaida khua pan ahi hi.)

John 12:21

Amate in Philip (Galilee ngam Bethsaida khua mi) kungah pai in, “Syapa awng, ko Jesus mu nuam khu hi,” ci uh hi.