Mark 8:12 - Syin Chin Bible

¹² Ahihang Jesus phiing vahumin, “Banghangin tu lai mihingte in nalamdang lakna veu hong ngen ziam? Hong pia ngawl tu khi hi kong ci hi! Hi mihingte tungah tuabang laknate kipia ngawl tu hi!” ci hi.

Mark 8:12 Iomraidhean Croise

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Matthew 12:38

Tua zawkciangin Thukham hil syate le Pharisee te pawlkhat in, “Syapa awng, nalamdang lakna na vawt ka mu nuam uh hi,” ci hi.

Matthew 16:4

Hi hun ah mihingte bangza in khansia a Pathian um ngawl ziam? Nalamdang lakna hong ngen na hi uh ziam? Vawt ngawl tu khi hi! Jonah nalamdang lakna khat sia bekma note tungah hong kipia tu hi,” ci hi. Tuaciang, amate nusia in paisan hi.

Mark 3:5

A kiimkot a et ciangin, Jesus in amate tungah thin uuk ahitazong hesuakhuai sa si hi, banghang ziam cile amate a thin uh pui mama a, a ngaisutna uh zongh maan ngawl hi. Tua zawkciang pasalpa munah, “Na khut vaan in,” ci hi. Ama in a khut vaan a, a khut dam kik hi.

Mark 6:6

Ama in mihingte ii upna a nei ngawl uh sia, lamdang sa mama hi. Tua zawkciangin Jesus in tua mun kiim le paamte ah pai in mihingte hilna nei hi.

Mark 7:34

Tua zawkciang Jesus in, van ento a, phiing vahumin, “Ephphatha,” “Kihong in!” ci hi.

Mark 8:13

Amate nusia in ama ngunkuang tung zuan kik a, tuili ngalkhat ah pai tu in kipan hi.

Mark 9:19

Jesus in, “Bangzata in a um ngawl mihingte hi thong nu ziam! Bang tanvei no taw hong omkhawm zo tu khi ziam? Bang tanvei hong khual zo tu khi ziam? Patang sia ka kungah hong paipui tavun!” ci hi.

Luke 19:41

Ama khuapi taw a kinai vaialna hong theng a, khuapi a mu ciangin kapin,