Mark 7:9 - Syin Chin Bible

⁹ “Noma ii kihilna te na kholet thei natu in Pathian thukhamte na nial zia uh na thiam uh hi.

Mark 7:9 Iomraidhean Croise

Psalm Late 119:126

Topa awng, na sep tu hun zo hi, banghang ziam cile, mihingte in na thukham hong zui ngawl hi.

Isaiah 24:5

Mihingte in Pathian thukhamte paltan na taw le a tawntungin a kikhomsuan tu a vawt thuciamna a siatsakna taw leitang ninsak uh hi.

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Daniel 11:36

“Syria kumpipa in ama uuk babangin ngamta tu hi. Ama in pathian khat pawpo sangin ka lian zaw a, a Lianbel Pathian sang zongin lian zaw ing, ci in kisathei tu hi. Ama sia Pathian ii daan a piak matengin tubangin kiphasak thei tu hi. Pathian in ama ii ngeal sa bang vateak in vawt tu hi.

Daniel 7:25

Ama in Lianbel Pathian sia sonsia tu a Pathian ii mihingte nengcip tu hi. Ama in amate ii biakna taw kipawl thukhamte le poai vawtnate khealsak tu in hanciam tu hi, Pathian ii mihingte sia ama ii khutnuai ah kum thum le kumlang om tu hi.

Mark 7:13

Hi bang kihilnate khat tung pan khat na kipiak sawn uh ciang Pathian kammal a mel suak nu hi. Hi thu taw a kibang na ngamtatna dang uh zongh tam mama om lai hi,” Jesus in ci thua hi.

Mark 7:3

(Phariseete le Jew te peuma in, amate ii taanghpupite hil, ngeina tuatuamte nasia takin zui uh hi: a khut uh ahi tu bangin a sil bua uh le an ne ngawl uh hi;

Mark 7:5

Tua ahikom Phariseete le Thukham hil syate in Jesus munah, “Banghangin na nungzuite in, taanghpupite hil ngeinate zui ngawlin, an a neak tu uh ciang a khut thiang ngawl taw an ne ziam?” ci in dongh uh hi.

Romete 3:31

Upna in Thukham phiat hi cinopna ahi ziam? Hi ngawl het hi; eite in Thukham ih kipsak zaw hi.

2 Corinth te 11:4

Banghang ziam cile kote ii kong hil Jesus ahi ngawl, Jesus a dang khat ii thu, hil a hong pai pawpo sia lungdamin saang nu hi; kote tung panin, na nga uh Thaa le lungdamna thu taw a kibang ngawl het thaa le lungdamna thu na saang uh hi!

Galatia te 1:14

Jew te biakna ka zui sung teng in ka khanngualte a tamzaw mai ah ka madawk a, ih pute ii taangh ngeinate sungah amate sangin a nasia zawin a kipia pa ka hi hi.

Galatia te 2:21

Pathian ii thuthiamna nial tu ka uuk bua hi. Ahihang mihing khat in Thukham tungtawnin Pathian mai ah thutang kisuaksak ahile Christ ii thina in khiakna nei ngawl a suak hi!

2 Thessalonica te 2:4

Ama in pathian a kici theampo ahibuale biak thei theampo langpan tu a, tuate tungsia ah ama le ama kikoi tu hi. Ama in Pathian Biakinnpi sung ngawngawn ah tum in to tu a, Pathian ka hi hi ci tu hi.