Mark 7:7 - Syin Chin Bible

⁷ Amate ii hong biakna sia kimanna om ngawl hi, banghang ziam cile amate in mihingte vawttawm ngeinate Pathian ii Thukham bangin hil uh hi!’ ci hi.

Mark 7:7 Iomraidhean Croise

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Malachi 3:14

Note in, ‘Pathian na ih sep sia a luithawthong hi. Ama ci bangin ih sep hangin bang kimanna om a, ih sepna sate huvau Vaanglianbelpa Topa mai ah khuangaina ih lak nop hangin bang phat tuamna om ziam?

Matthew 15:9

Kei hong biakna sia amate atu in kimanna om ngawl hi. Banghang ziam cile amate in mihingte ii vawttawm ngeina sia, kei ii thukham bangin kihil uh hi!”

Matthew 6:7

“Thu na nget uh ciangin, doai biate bangin, khiakna nei ngawl kammal tam mamate zangh heak vun, amate in thunget sau thethei a zak uh ciangin, a pathiante in za tuan tu in um uh hi.

1 Corinth te 15:14

tuaciang thina pan Christ tho kik ngawl hile, kote ii hil tu bangma om ngawl tu a, note ii up tu bangma om ngawl tu hi.

1 Corinth te 15:58

Tua ahikom, kong it suapuite awng, kip tak le maan takin om vun. Topa atu na nasep uh peuma a luithawthong suak ngawl het tu hi ci in na heak uh ahiciang Topa atu na nasepna sungah a tawntung komla vun.

Thuhil kikna 12:32

“Kong thupiak theampo zui siat vun; khat zongh belap heak vun a khat zongh vawk heak vun.

Colossae te 2:22

Hite in khatvei a kizak zawkciang, kimanna a nei nawn ngawl thute a cina hi; tuate in mihing vawttawm ngeinate le hilnate hi bek hi.

Titus 3:9

Ahihang a mawmawthuai kam kinial nate, taanghpupite khang simna saute, kihauna le thukham huvau khat le khat kinialna te na pial tavun. Tuate sia phattuamna om ngawl a, man nei ngawl hi.

James 1:26

Khat po in ama sia biakna kin mihing khat hi ing ci in a kingaisun ziam? Ama in a leei a uk zo buale ama ii a biakna sia a luithawthong suak a, ama le ama kitheam ahi hi.

James 2:20

Mihing mawmawte awng! ngamtatna om ngawl upna in, kimanna nei ngawl hi, ci thu a kilak tu na dei uh ziam?

Thupualaakna 22:18

Keima John in, hi kamsaanna laibu sungah a kikhumte a sim peuma tungah kidop natu thu ka pia hi: Khat pawpo in a belap le, Pathian in hi thubu sungah a kison ama ii daante tungah ngimnate belap thua tu hi.

1 Samuel 12:21

A maan ngawl pathian te zuan heak vun; amate in hong hu thei ngawl, hong ngum thei ngawl hi, banghang ziam cile amate sia a tatak hi ngawl hi.