Mark 7:34 - Syin Chin Bible

³⁴ Tua zawkciang Jesus in, van ento a, phiing vahumin, “Ephphatha,” “Kihong in!” ci hi.

Mark 7:34 Iomraidhean Croise

Pusuana 2:23

Kum tampi zawkciang Egypt kumpipa thi a, ahizong Israel te a saltanna hangin thuumin, tau a, hu ngenin kap lai uh hi. A kaana awte Pathian kung thengin,

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Mark 1:41

Jesus in ama khuangai huai sa in, a khut vaan in tham hi. “Hong damsak nuam khi hi, dam ta'n,” ci in zo kik hi.

Mark 15:34

Nai thum sa ciangin Jesus in a nging tatakin au a, “Eloi, Eloi, lema sabachthani?” ci hi. A khiakna sia, “Ka Pathian, ka Pathian awng, banghangin hong nusia ni ziam?” ci na ahi hi.

Mark 5:41

Ama in numeino sia a khut pan kaito a, ama tungah, “Talitha, koum,” ci hi. A khiakna sia “Numeino awng, tho in hong ci khi hi,” cina ahi hi.

Mark 6:41

Tua zawkciang Jesus in anluum nga le ngasa nii teng la a, van ento in, Pathian tungah lungdamko hi. Ama in anluumte baltham in mipite hawmsak tu in a nungzuite tungah pia hi. Ngasa pum nii te zongh, amate sungah hawm siat hi.

Mark 7:35

Thakhatin pasalpa in khuaza thei a, a pau thei ngawlna pan olno takin pau kik thei hi.

Mark 8:12

Ahihang Jesus phiing vahumin, “Banghangin tu lai mihingte in nalamdang lakna veu hong ngen ziam? Hong pia ngawl tu khi hi kong ci hi! Hi mihingte tungah tuabang laknate kipia ngawl tu hi!” ci hi.

Luke 18:42

Jesus in ama tungah, “Tua ahile khuamu ta'n! Na upna in hong damsak zo hi,” ci hi.

Luke 19:41

Ama khuapi taw a kinai vaialna hong theng a, khuapi a mu ciangin kapin,

Luke 7:14

Tuasia ciangin Jesus in mithi luang kung zuanin tham a, a kuang puate in din uh hi, Jesus in, “Tangval awng! Tho in kong ci hi!” ci hi.

John 11:33

Jesus in ama kakap a, ama taw a om mihingte zongh, kakap in a om mu hi; a thin hong suu a, khuangai mama hi.

John 11:35

Jesus kap hi.

John 11:38

Jesus, khatvei ma hong khuangai kik mama a, suanghawng khat ii kongvang ah suangtum khat taw a kikhak thaan khat ah pai hi.

John 11:41

Amate in suangtum lakeak uh hi. Jesus in khuadak to a, “Pa awng, ka thu nong ngai hu in lungdam kong ko hi.

John 11:43

Hi bang teng a ci zawkciang, awnging tatak taw au in, “Lazarus awng, hong pusuak ta'n!” ci hi.

John 17:1

Jesus in hi teng a son zawkciang van ento in, “Pa awng, a hun hong theng zo hi. Tapa in nang tungah minthanna hong piak thei natu in, na Tapa tungah minthanna hong pia ta'n.

Sawltakte 9:34

Peter in “Aeneas awng, Jesus Christ in hong damsak hi. Tho in a, na lupna zial in,” ci hi. Tha khat thu in, Aeneas tho hi.

Sawltakte 9:40

Peter in amate theampo inn doituam pua sangah pusuaksak a, khupdin in thungen hi; tuaciang mithi luang maingat in, “Tabitha awng, tho in!” ci hi. Numei in a mit hak a, Peter a mu ciang, hong to hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.