Mark 7:24 - Syin Chin Bible

²⁴ Tua zawkciangin Jesus Tyre khuapi hui ngamkhen ah pai tu in ding hi. Inn khat sungah tum a, tua munah ama a om hunlam kuama heak tu oai ngawl ahihang a bucip zo bua hi.

Mark 7:24 Iomraidhean Croise

Pianciilna 10:15

Canaan ii tapate — a ubel Sidon le Heth — sia amate ii min a pu mite ii taanghpupite ahi uh hi.

Pianciilna 10:19

amate ngam sia, Sidon panin thangsang ah Gaza nai Gerar ngam dong hi a, nisuana sang ah Sodom, Gomorrah, Admah, tuaciang Lasha khua nai Zeboiim dong ahi hi.

Pianciilna 49:13

“Zebulun sia tuipi hui ah teang tu hi. A tuipi vaal sia teambawte tawlngakna khat hi tu hi. A ngam Sidon ciang dong theng tu hi.

Isaiah 23:12

Sidon khuapi awng, na lungdamna bo zo in, na mite in zawthawk thuak uh hi. Amate Cyprus ah a suakta zongin, ngammuang tuan ngawl tu uh hi.

Isaiah 42:2

Ama au ngawl, a aw saangsak ngawlin, lampi ah a ngingin pau ngawl tu hi.

Ezekiel 28:2

Ama in, “A thithei mihing awng, Tyre khua ukpa tungah Keima, Vaanglianpipa Topa ii ka ci teng son in: Kiphatsakna taw kidimin, pathian khat ka hi na ci hi. Tuipite kiim uum kumpi tokhum tungah pathian khat bangin ka to hi, na ci hi. Nang sia pathian khat bangin kiheang hikale te, tuabang hi ngawl ni hi, thithei ni hi, pathian pianzia na nei bua hi.

Matthew 11:21

“Nang atu in bangza in lauhuai ziam, Chorazin awng! Nang atu in bangza in lauhuai ziam, Bethsaida awng! Tyre le Sidon khuate tungah note sungah hong kivawt nalamdang laknate kivawt thong le, a mihingte in khau-ip puan silh in, amate tungah vut kithe in, mawna kisiik kikna a lak zawk ngei zo tu hi.

Matthew 9:28

Jesus inn sungah a sungtan zawkciang, mittaw nii ama kungah hong pai a, Jesus in, “No hong damsak thei tu in nong um uh ziam,” ci in dongh hi. “Topa, hong um ung,” ci uh hi.

Mark 2:1

Ni tam kihal ngawlin Jesus Capernaum khua ah pai kik hi, tuaciang ama inn ah om hi, ci in kiza hi.

Mark 7:23

hi siatnate theampo sia mihing khat ii sung pan hong pai nate hi a, tuabangte in amate ninsak hi,” ci hi.

Mark 7:25

A tanu thaa ngilo vei nupi khat in, Jesus thu za ahikom thakhatin hong pai a, a peang ah bok hi.

Mark 7:31

Jesus in Tyre kiim le paam teng nusia in Sidon kaantan in Galilee ah pai a, Khuapi Sawm ii ngamkhente tawn hi.

1 Timothy 5:25

Tuabang ma in ngamtat phatnate zongh kilangh pal a, a kilangh lei ngawlte ngawngawn zongh kiseal cip thei ngawl hi.