Mark 7:2 - Syin Chin Bible

² Amate in nungzui pawlkhatte an a neak tu ciang ngeina bangin, khut thiang ngawl taw an ne mu uh hi — koibang ziam cile amate in Phariseete hil bangin, a khut uh sil ngawl hi.

Mark 7:2 Iomraidhean Croise

Matthew 15:2

“Banghangin na nungzuite in ih taanghpupite hilnate ni ngawl ziam? A anneak ma in a ngeina bangin a khut sil ngawl hi!” ci in dongh hi.

Mark 7:5

Tua ahikom Phariseete le Thukham hil syate in Jesus munah, “Banghangin na nungzuite in, taanghpupite hil ngeinate zui ngawlin, an a neak tu uh ciang a khut thiang ngawl taw an ne ziam?” ci in dongh uh hi.

Luke 11:38

Pharisee pa in Jesus anneak ma in a khut sil ngawlin om a mu ciang lamdang sa hi.

Sawltakte 10:28

Amate tungah, “Na heak tek uh hi a, Jew te khat sia Gentile te khat ii inn ah a haw tu ahizong, kithawl tu ahizong a biakna in oai ngawl hi. Ahihang Pathian in mihing khat pawpo biakna taw kisai in, thiang ngawl hi, nin hi, ka ci ngawl het natu in hong lak hi.

Sawltakte 11:8

Ahihang keima in, ‘Ne peuma bua tong Topa awng! Biakna taw kisai a nin le a thiang ngawlin a kisepte sia, ka kam sungah tum ngeingawl lai hi,’ ka ci hi.

Romete 14:14

Topa Jesus taw ka kikopna panin ka heak thu khat in bang ziam cile an khat pawpo in ama nguakin a nin om ngawl hi; ahihang mihing khat in an khat nin hi ci in a um le ama atu in tua an sia nin hi.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Thupualaakna 21:27

Ahihang a thiangtho ngawl, a maizumhuai a ngamtate le leilot theite kuama tua khuapi sungah a tum thei buatu uh hi. Tuuno nuntakna laibu sungah a min a kikhumte bek tua khuapi sungah tum thei tu uh hi.