Mark 6:41 - Syin Chin Bible

⁴¹ Tua zawkciang Jesus in anluum nga le ngasa nii teng la a, van ento in, Pathian tungah lungdamko hi. Ama in anluumte baltham in mipite hawmsak tu in a nungzuite tungah pia hi. Ngasa pum nii te zongh, amate sungah hawm siat hi.

Mark 6:41 Iomraidhean Croise

Matthew 14:19

Ama in mipite sia lopa tung a to siat natu in thupia hi; tua zawkciangin anluum nga le ngasa nii te la in, van ento a, Pathian munah lungdamko hi. Ama in anluumte baltham in nungzuite pia a, nungzuite in mipite pia sawn uh hi.

Matthew 15:36

Tuasia ciang Jesus in anluum sali le ngasate la in, Pathian tungah lungdam a ko zawkciang, balneen in a nungzuite pia hi; tuaciang in nungzuite in mipite pia sawn uh hi.

Matthew 26:26

A an neak uh laitakin, Jesus in anluum bek khat la in, lungdamko thungetna a nei zawkciang, baltham in a nungzuite pia hi. “La in ne vun, hisia in ka pumpi ahi hi,” ci hi.

Mark 14:22

Amate an a neak uh laitakin, Jesus in anluum bek khat la in, lungdamkona thungen a, balneen in a nungzuite pia hi. “Hisia in ka pumpi ahi hi. Ne vun,” ci hi.

Mark 6:40

Tua ahikom mipite a ngui in to a, pawlkhat zakhat, pawlkhat sawmnga in to uh hi.

Mark 6:42

A om theampo in a kham in ne tek uh hi.

Mark 7:34

Tua zawkciang Jesus in, van ento a, phiing vahumin, “Ephphatha,” “Kihong in!” ci hi.

Mark 8:19

Anluum nga taw mihing tulnga ka vaak lai in, a khawn laak uh bangza khawm kana nu ziam? Ciamtee nawn ngawl nu ziam?” ci hi. “Khum sawm le khum nii,” ci in zo uh hi.

Luke 24:30

Amate taw an ne tu in to a, anluum la in thupha a piak zawkciangin, balneen in amate pia hi.

Luke 9:16

Jesus in anluum luum nga le ngasa tawn nii la in vantung en to a, Pathian tungah lungdam a ko zawkciang tuate balneen in, mipite sungah hawm tu in a nungzuite pia hi.

John 11:41

Amate in suangtum lakeak uh hi. Jesus in khuadak to a, “Pa awng, ka thu nong ngai hu in lungdam kong ko hi.

John 17:1

Jesus in hi teng a son zawkciang van ento in, “Pa awng, a hun hong theng zo hi. Tapa in nang tungah minthanna hong piak thei natu in, na Tapa tungah minthanna hong pia ta'n.

John 6:11

Jesus in anluumte la a, Pathian tungah lungdamko in, tua munah a to mihing teng hawmsak hi. Ama in tuabang ma in ngasate zongh hawm a, amate a vekpi in a du zaza ne uh hi.

John 6:23

Topa ii lungdam a ko zawkciang mihon ii anluum neakna mun taw a kinaina tuili vaal ah, Tiberias pan hong pai ngunkuang dangte hong theng hi.

Sawltakte 27:35

Hi bangin a ci zawkciang, Paul in anluum pawlkhat la in, Pathian pok in, amate theampo mai ah balneen in ne tu in kipan hi.

Romete 14:6

Ni tuam khat a thupi tuamin a ngaisun sia in Topa upatna taw ngaisun ahi hi; bang khat po a ne khat in Topa upatna taw ne ahi hi; banghang ziam cile ama in Pathian ii a piak an atu in lungdamko hi. Bang khat po neak tu a ten sia zongh in Topa upatna taw a ten hi a, ama zongh in Pathian tungah lungdamko hi.

1 Corinth te 10:31

Pha hi, bang pawpo na vawt zong, bang pawpo na ne na dawn zong, Pathian minthan natu in na hi vun.

Thuhil kikna 8:10

Na du theampo na nei tu uh a, ngampha hong piakna hangin Pathian tungah lungdam na ko tu uh hi.

Colossae te 3:17

Na sep, na son uh theampo hu in, Pa Pathian tungah lungdam na ko uh ciangin, Topa Jesus min taw na vawt tu uh hi.