Mark 6:34 - Syin Chin Bible

³⁴ Jesus in hi mihonpi khat a mu ciang, khuangai huai sa hi, banghang ziam cile amate sia tuucing nei ngawl tuuhonte bang ahi hi. Tua ahikom amate thu tam mama hil tu in kipan hi.

Mark 6:34 Iomraidhean Croise

1 Kumpite 22:17

Micaiah in, “Israel ngalkapte sia mualtung tengah tuu cing pa om ngawl a tuute kithezau bangin ka mu hi. Tuaciang Topa in, ‘Hi mite in lampui nei ngawl hi; inn ah thinnuam takin cia hen,’ ” ci hi.

2 Khangtaanghthu 18:16

Micaiah in, “Israel ngalkapte sia mualtung tengah tuu cing pa om ngawl a tuute kithezau bangin ka mu hi. Tuaciang Topa in, ‘Hi mite in lampui nei ngawl hi; inn ah thinnuam takin cia hen,’ ” ci hi.

Isaiah 13:14

“Babylon ah a teang ngamdangmite sia savaite kung pan a suakta sangai bang le a cing om ngawl tuute bangin amate ngam tek ah tai in kithethaang tu uh hi.

Jeremiah 50:6

“Ka mite sia tuucingte ii mualtung tengah a bosua tuute taw kibang hi. Amate sia tuute bangin mual khat pan mual khat ah vakthap kawkoai uh a, a inn omna mun mangil zo uh hi.

Ezekiel 34:5

Tuute sia a cing nei ngawl ahikom, peakkeak a, ngamsate in manin a sa ne uh hi.

Zechariah 10:2

Mite in milimte le aisaan theite thu dongh ahihang a zo kiknate sia leilot thu le luithawthong thu veu hi. Pawl khat in mangkhia a, ahihang tuate in nang hong lampialsak bek hi; amate hong piak thinnopna in man nei ngawl hi. Tua ahikom tuu bote bangin tua mite vakthap uh hi. Amate in lampui nei ngawl ahikom ngim nga uh hi.

Mi Simna 27:17

na mipite tuucing nei ngawl tuute bang ahi ngawl natu in a lampui thei tu le ngal kisimna ah thu a pia thei tu mihing khat nong tealsak natu in, thu kong ngen hi,” ci hi.

Matthew 14:14

Jesus in a ngunkuang tung pan tuak a, mihonpite a mu ciangin, tua mite hesuakhuai sa in ciinate damsak hi.

Matthew 15:32

Jesus in a nungzuite samin “Hi mihingte hu in ka thinnuam ngawl hi, banghang ziam cile, tu in ni thum pha zo a, bangma neak tu nei ngawl hi. Anvaak phot ngawlin cia thongsak nuam ngawl khi hi, banghang ziam cile, a inn uh a zot ciang lampi ah ngilkial in pukhong siat tu hi,” ci hi.

Matthew 9:36

Mihonte a et ciangin, hesuakhuai sa hi, banghang ziam cile tuucing om ngawl tuuhonte bangin, amate thinngim cimaw in, om uh hi.

Mark 6:33

Ahitazong, mihing tam mama in, amate pai mu uh a, a kuate ziam ci in tel paih ahikom, khuapi theampo pan hong pai uh a, leilam tawn in amate mai ah tai in, Jesus le a nungzuite thet ma in, tua munah theng uh hi.

Mark 6:35

Ni hong niam ciangin, nungzuite ama kungah pai uh a, “Tu in ni zongh niam mama zo a, hi sung sia ngamkhing mama mun khat ahi hi.

Mark 8:1

Tuazawk khuangei ngawlin mihon dang khat hong kikhawm hi. Tua mihingte anneak tu bangma a nei nawn ngawl uh ciangin, Jesus in a nungzuite a kungah sam a,

Mark 8:2

“Hi mite khuangai huai ka sa hi, banghang ziam cile amate in ni thum tawntung kei taw hong omkhawm a, tu in bangma neak tu nei nawn ngawl hi.

Luke 9:11

Mihonte in tua thu a zaak uh ciangin, ama zui uh hi. Ama in tua mite pha takin saang a, Pathian Ngam thuhil in, a kisamh te damsak hi.

Hebrew te 2:17

Hisia hu in ama in a suapuite taw na theampo sungah a kiban uh kul hi, banghang ziam cile mihingte a mawna pan mawmaisakna kipiak thei natu in, Pathian na a sepna ah, a thumaan ngual a hesuak thei Thiampi Lianbel a sua natu ahi hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.