Mark 6:23 - Syin Chin Bible

²³ “Nong nget theampo hong pia tu khi hi, ka ngam a lang khen dongin hong pia tu khi hi, ci in ka kiciam hi!” ci in kamciam tam mama pia hi.

Mark 6:23 Iomraidhean Croise

2 Kumpite 6:31

Ama au in, “Nitum ma in Elisha ii lu a kitan buale Pathian in hong vaat lum tahen!” ci hi.

Esther 5:3

Kumpipa in dongh a, “Esther kumpinu awng, bang ziam? Na dei sia hong son tan — ka ukna ngam a lang keak ahizong nga tu ni hi,” ci hi.

Esther 5:6

Sapittui a neak kawmin kumpipa in Esther tungah, “Na dei sia hong son ta'n, kong pia tu hi. Ka ngam phellang keak ahizong nong ngen le kong pia tu hi,” ci hi.

Esther 7:2

a nii veina pai uh hi. Sapittui a neak kawmin kumpipa in Esther thu dongh kik a, “Tu in Esther kumpinu awng, bang dei ni ziam? Hong son po ta'n, kong pia tu hi. Kumpi ukna ngam phellang keak ahizong hong pia tu khi hi,” ci hi.

Paunakte 6:2

Nangma kammal ma in hong man kik ngei a, nangma kamciam in thaang hong sia ngei ziam?

Matthew 14:7

“Nong nget pawpo kong pia tu hi, ci in ka kiciam hi!” ci in kamciam pia hi.

Matthew 4:9

“Khupdin in kei hong bia lete, hi teng theampo nang kong pia tu hi,” ci hi.

Mark 6:24

Tuasia ciang ngaknu nu pusuak a, a nu munah, “Bang ngen tu khi ziam?” ci in dongh hi. “Tuiphumpa John ii lutang,” ci in zo kik hi.

1 Samuel 28:10

Tuasia ciang Saul in kiciamna thiangtho khat vawt hi. Ama in, “A nungta Topa min taw kamciam hong pia khi hi, hisia na sep hu in daan hong kipia ngawl tu hi,” ci hi.