Mark 6:21 - Syin Chin Bible

²¹ A khakbel ciang Herodias in hunpha khat nga hi. Herod suani hi a, ama in kumpi sung ulianbel theampo, ngalkapmangte le Galilee ii khuanu khuapa te atu in poai vawt hi.

Mark 6:21 Iomraidhean Croise

Pianciilna 27:41

Esau in Jacob ngaimaw hi, banghang ziam cile a pa in a thupha Jacob pia zo hi. Ama in “Ka pa thina hangin khuangai tu hun hong nai zo hi: tuasia zawkciang Jacob ka that tu hi,” ci in ngaisun hi.

Pianciilna 40:20

Ni thum zawkciang kumpipa suani in, ama in a uliante theampo atu in poai khat khaam a; sapittui piapa le anluum empipa sia ama in tha in, a uliante mai ah paipui hi.

Esther 2:18

Tua zawkciang kumpipa in Esther patoaina in anneakpoai lian khat vawt a, a uliante le zum nasep uk theampo sam siat hi. Ama in kumpi ukna ngamsung bup zum kha ni khat tu in thangsak a, kumpipa taw a kiphu, a kilawm letsongte hawm hi.

Esther 3:7

Xerxes kumpipa ii kumpi a sep a kum sawm le kum nii kum, tha masa, Nisan tha in, a sawmna bang a vawt natu in bang ni bang tha phabel ziam he nuam ahikom (“purim” a kici) lai mee vawt tu in Haman in thupia hi. Adar tha, tha sawm le tha niina, ni sawm le ni thum ni in vawt tu khensat hi.

Hosea 7:5

Kumpipa ii poai vawt ni in amate in kumpipa le a uliante sapittui khamsakin mawmawsak hi.

Luke 3:1

A hun sia Kumpilianpa Tiberius ii a maan zawk kum sawm le kum nga a cin hun hi a; Pontius Pilate sia Judea ngamuk mangpa hi in, Herod sia Galilee ngamukpa hi a, a suapuipa Philip sia Iturea ngamkhen le Trachonitis ngamukpa hi; Lysanias sia Abilene ngamukpa hi,

Sawltakte 25:23

A zing ciangin Agrippa le Bernice sia, mipi kikhopna inndoi sungah ngalkap ukpite le khuapi lampui upate taw, nasia tak kithoai in hong pai a, kiletsakna taw hong tum uh hi. Festus in thupia a, Paul tumpui hi.

1 Peter 4:3

A bosa hun sungah Pathian he ngawlte ii sep nop teng, a khomin seam zo nu hi. Na nuntakna uh sia, zummawk ngamtatna, sikvilna, zu khamna, uangtatna, zuneakna, a thasiathuai milim biaknate taw zangh zo nu hi.

Thupualaakna 11:10

Leitung mihingte in hite nii ii thi hu in lungdam tu uh hi. Amate in lungdamna poaikhaam in, khat le khat letsong kithaak tu uh hi; banghang ziam cile tua kamsaangte nii in, mihingte tungah ngimna tam mama tungsak hi.