Mark 6:20 - Syin Chin Bible

²⁰ Herod in John kiita hi, banghang ziam cile John sia mihing thiangtho, mihing pha hi ci in he a, tua ahikom ama keamcing hi. A hilna a zaak simin a thin nawngkai mama ahitazong, Herod in John thuson ngai nuam hi.

Mark 6:20 Iomraidhean Croise

1 Kumpite 21:20

Ahab in Elijah a mu ciang, “Ka ngal pa awng, kei hong pha zo ngawngaw ni ziam?” ci hi. Elijah in “Hi hi, hong pha zo khi hi,” ci in zo hi. “Topa muna ah khialna hi teng na vawt natu in nangma le nangma kipumpiak ni hi.

2 Kumpite 13:14

Kamsaangpa Elisha sia thithei natna taw na a, ama thi tu in a lupna ah Israel te Kumpipa Jehoash in ve hi. “Ka pa awng, ka pa awng!” ci in au in kap hi. “Nang sia Israel a hung a thahat pa ni hi!” ci hi.

2 Kumpite 6:21

Israel kumpipa in Syria te a mu ciang Elisha mun ah, “Ka thatlum tu ziam, topa ka thatlum tu ziam?” ci in dongh hi.

2 Khangtaanghthu 24:2

Ama in thiampi Jehoiada nuntak laitengin a sep a vawtna ah Topa lungdamsak hi.

2 Khangtaanghthu 26:5

Biakna vai a thudok Zechariah ii nuntak lai teng Uzziah in thumaan takin Topa na seam ahikom Pathian in ama thupha pia hi.

Pusuana 11:3

Topa in Israel te sia Egypt te in zaktasak hi. Uliante le mihingte theampo in Moses sia mi thupi mama khatin ngaisun takpi uh hi.

Ezekiel 33:32

Amate atu in nang sia tengtongh tum a, lawmla a sasa zindo khat bang lel na hi hi. Na kampau theampo hong ngai napi kam khat beak zongh hong ni ngawl hi.

Daniel 4:18

“Ka mangmat sia hi bang hi,” Nebuchadnezzar kumpipa in ci hi. “Tu in Belteshazzar awng, a khiakna hong son ta'n. Ka kumpi thudokte kuama in hong son thei ngawl hi, ahizong nang sungah a thiangtho pathiante ii thaa om ahikom nong son thei tu hi,” ci hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Daniel 5:17

Daniel in, “Na letsongte nangma atu keam po in, ahibuale ngualdang khat po pia in. Kumpipa awng, lai ki at sia kong sim tu a, a khiakna kong son tu hi.

Matthew 14:5

Herod in ama thatlum nuam ahihang, Jew mite kiita hi, banghang ziam cile Jew mite in John sia kamsaang khat hi ci in ngaisun uh hi.

Matthew 21:26

“Ahihang ‘mihing tung pan’ ci thong leang, mipite kiitakhuai hi, banghang ziam cile amate theampo in John sia kamsaang khat hi ci in saang hi,” ci uh hi.

Mark 11:18

Thiampi liante le Thukham hil syate in, hi thu za uh a, tua hu in, Jesus a thalup thei natu lampi zong tu in, kipan uh hi. Amate in Jesus kiita uh hi, banghang ziam cile mipite in ama ii hilna sia lamdang a sa uh hi.

Mark 4:16

Ngualdang pawlkhatte suang tungah a taak thaicii taw kibang hi. A thu a zaak po ciang lungdam takin saang hi.

John 5:35

John sia meiinn taw kibang a, kuangin taang hi, tuaciangin tawmvei sung teng ama ii khuavak sia na leaplaw nuam uh hi.

Sawltakte 2:12

“Hisia in bang thu ziam?” ci in lamdangsakna le lungdamna taw khat le khat kidongh uh hi.

Sawltakte 5:24

Biakinn cingte ukpa le thiampi liante in, hi thu a zaak uh ciangin, sawltakte bang tat hi tu ziam, ci in lamdang sa uh hi.