Mark 6:14 - Syin Chin Bible

¹⁴ Tu in Herod Kumpipa in hi thute theampo za hi, banghang ziam cile, Jesus ii minthanna mun theampo ah kizel hi. Mihing pawlkhat in, “Tuiphumpa John nungta kik hi! Tua hu in ama in nalamdang vawt thei natu, vaang nei hi,” ci uh hi.

Mark 6:14 Iomraidhean Croise

2 Khangtaanghthu 26:15

Jerusalem khua ngal vilna tausaangte le khuapi luphung kingte tung pan thal kaap natu le suang liante lot natu in a kisamh na teng ngalhiam vawt thiamte in vawt uh hi. Pathian ii ompui hu in Uzziah sia thahat mama a, mun theampo ah minthang hi.

2 Khangtaanghthu 26:8

Ammon te in Uzziah tungah phiangshia pia a, ama vaanglian ahikom a minthanna sia Egypt ngam dong ngawngawn ah kizel hi.

Matthew 9:31

Ahihang amate pai in, Jesus thu, tua ngamkhen bup sungah kizel in thangsak uh hi.

Mark 1:28

Tuabangin Jesus huvau thupiangte Galilee ngam mun theampo ah manlang takin kizel hi.

Mark 1:45

Ahihang pasalpa pai in mun theampo ah hi thupiang sia son kawkoai hi. Pasalpa in nasia tak son ahikom Jesus sia khuapi khat pawpo ah, mipite ii mutang in, a tum ngam nawn bua hi. A ngamkhingna munte ah ama om a, mihingte in mun theampo panin ama kung zuan uh hi.

Mark 8:28

“Pawlkhat in Tuiphumpa John hi hong ci hi, a dangte in Elijah hi hong ci a, kamsaang sung pan khat hi hong ci zongh om hi,” ci in zo kik uh hi.

Luke 13:31

Tua laitak ma in Phariseete pawlkhat, Jesus kungah hong pai a, “Hi sung panin pusuak in, leidang mun khat zuan ta'n, banghang ziam cile Herod in nang hong that nuam hi,” ci hi.

Luke 3:1

A hun sia Kumpilianpa Tiberius ii a maan zawk kum sawm le kum nga a cin hun hi a; Pontius Pilate sia Judea ngamuk mangpa hi in, Herod sia Galilee ngamukpa hi a, a suapuipa Philip sia Iturea ngamkhen le Trachonitis ngamukpa hi; Lysanias sia Abilene ngamukpa hi,

Luke 7:17

Hi bang Jesus ii thusia ngamsung le a kiimkot ngamkhente ah kizel hi.

Luke 9:19

“Pawlkhat in Tuiphumpa John hi hong ci hi. A dangte in Elijah hi hong ci om a, aheap in taanghlai a kamsaangte khat hong nungta kik hi vak hong ci uh hi,” ci in zo hi.

1 Thessalonica te 1:8

Bangbang ziam cile Topa thu in no tung pan Macedonia le Achaia kaantan in pai a, tua bek dom ngawlin, Pathian na upna uh thu sia mun theampo ah thang hi. Tua ahikom thudang bangma ka son tuan tu kisamh ngawl hi.

Hebrew te 2:4

Tua kawmkaal ah Pathian in nalamdang laknate, a tumdang tuatuamte vawtna le, Thaa Thiangtho letsong te ama ii a dei bangin a hawmsakna taw in amate tetti panna tungah tetti panna belap thua hi.