Mark 5:36 - Syin Chin Bible

³⁶ Jesus in amate thuson nangonthaakin, “Lau heak in, um po in” ci hi.

Mark 5:36 Iomraidhean Croise

2 Khangtaanghthu 20:20

A zing ciang zingtuungin mihonte Tekoa hui ngamsung zuan uh hi. A vaidin uh ciang Jehoshaphat in amate tungah kam vaitha hi: “Judah mite le Jerusalem mite awng! Topa na Pathian muang vun, tua hile kip takin na ding thei tu uh hi. Ama kamsaangte ii hong sonte um vun, tua hile na ma na tun tu uh hi.”

Matthew 17:20

Jesus in, “Banghang ziam cile noma in upna kicing nei ngawl nu hi. A tatakin kong ci ciang, ankamhtang cia upna nei hi le uhte hi mual munah, ‘Hi sung panin zialai ah kikhiin in,’ ci in sawl le uhte kikhiin tu hi. Na khat pawpo na vawt thei tu uh hi.

Matthew 9:18

Jesus in hi bang a pau laitakin, Jew ulian khat hong pai a, a mai ah khupdin in, “Ka tanu a thi zawk hiat bek ahi hi. Ahitazong hong pai lete a, ama tungah na khut nga lete, ama nungta kik tu hi,” ci hi.

Mark 5:22

Jew te synagogue khat a lampui upa Jairus kici khat in, Jesus peang ah bok a,

Mark 5:34

“Ka tanu awng, na upna in hong damsak zo hi. Thinnuam in va pai ta'n, na ngim ngana pan dam ta'n,” Jesus in ci hi.

Mark 9:23

Jesus in, “Nangma mama in na um nale hong hu thei khi hi, upna a nei khat tungah na theampo suak thei hi,” ci hi.

Luke 8:50

Ahihang Jesus in tua thu za a, Jairus munah, “Thintoi heak in; um po in, ama dam tu hi,” ci hi.

John 11:40

Jesus in ama munah, “Na um le Pathian minthanna na mu tu hi ci in hong son hi ngawl khi ziam?” ci hi.