Mark 5:34 - Syin Chin Bible

³⁴ “Ka tanu awng, na upna in hong damsak zo hi. Thinnuam in va pai ta'n, na ngim ngana pan dam ta'n,” Jesus in ci hi.

Mark 5:34 Iomraidhean Croise

2 Kumpite 5:19

Elisha in, “Thinnuamin va pai ta'n,” ci hi. Tuaciang Naaman in paisan hi. Ama lam khuala a thet ma in,

Thuhilsya 9:7

Pai in, na an ne in a, lungdam in; na sapittui ne in a, maitai in. Pathian in diksa hi.

Thiampite 14:48

Thiampipa in inn sia za a kizut zawk in a et ciang cipawl natna a om kik nawn buale, cipawl natna bo thiang zo ahikom ama in biakna taw kisai a thiang inn ci in thangsak tu hi.

Matthew 9:2

Tua munah mihing pawlkhat in pumzaw pasal khat lupna tungah a lum sa in, Jesus kungah hong paipui uh hi. Jesus in amate upna bangza lian ziam ci in a mu ciang, pumzaw pa munah, “Na thin kiliansak in, ka tapa awng. Na mawna hong kimaisak zo hi,” ci hi.

Matthew 9:22

Jesus hong kingeilee kik a, numei sia a mu ciangin, “Na thin kiliansak in, ka tanu awng! Na upna in hong damsak zo hi,” ci hi. Tua hun lianin, numeinu dam thiang hi.

Mark 10:52

“Va pai ta'n, na upna in hong damsak zo hi,” Jesus in ci hi. Thakhatin ama khuamu thei a, tuaciang Jesus zui in pai hi.

Mark 3:10

Ama in mihing tam mama damsak hi, tuaciang natna nei peuma in ama tham tu in kiphul ngawp uh hi.

Mark 5:29

A puan a thamsak ciang a chibua sia thakhatin kang hi, tuaciang a ngim ngana pan damna a nga hunlam kiphawk hi.

Mark 5:33

Numeinu in ama tungah bang thupiang ci in phawk ahikom, lau in liing a, Jesus sangah pai hi, a peang ah khupdin in, ama tungah a thu theampo son siat hi.

Luke 17:19

Tuaciangin Jesus in ama tungah, “Ding in, va pai ta'n; na upna in hong damsak zo hi,” ci hi.

Luke 18:42

Jesus in ama tungah, “Tua ahile khuamu ta'n! Na upna in hong damsak zo hi,” ci hi.

Luke 7:50

Ahihang Jesus in, numeinu munah, “Na upna in hong ngum zo hi; thinnuam in va pai ta'n,” ci hi.

Luke 8:48

Jesus in ama tungah, “Ka tanu awng, na upna in hong damsak zo hi, Thin nuam takin, va pai ta'n,” ci hi.

Sawltakte 14:9

Tuak ah Paul ii thuson ngai in to hi. Paul in ama ii upna mu a, kidamsak thei tu ci in mu ahikom ama tangtan in en a,

Sawltakte 15:33

Tua munah hun tawmvei a zak zawk uh ciangin, thu umte in amate thinnuam takin tha kik uh a, amate in pai tu a sawlte kungah heak kik uh hi.

Sawltakte 16:36

Tua ahikom thong ukpa in, Paul munah, “Uliante in nang le Silas hong kisuataksak natu thu hong pia hi. Pusuak thei tu nu hi, tua hi a, thinnuam in na pai tavun,” ci hi.

James 2:16

Amate tungah, “Pathian in thupha hong pia tahen! Na khua lum in, na ngilva tahen!” na ci uh hang, nuntak natu a kisamh nate na pia bua uh le na pauna in bang phattuamna om ziam?

1 Samuel 1:17

“Thinnuam in va pai ta'n, Israel te ii Pathian in na nget teng hong pia tahen,” Eli in ci hi.

1 Samuel 20:42

Tua zawkciang Jonathan in David munah, “Pathian nang taw hong om tahen. Topa in nang le kei, nang ii suan le paalte le kei aa te khat le khat tungah a thiangtho kamciam ih vawt sa te hong keamcingsak thei tahen,” ci hi. Tua zawkciang David in nusia a, Jonathan sia khua sung zuan kik hi.