Mark 4:41 - Syin Chin Bible

⁴¹ Ahihang amate lau mama uh a, “Hisia pa a bang mihing hi thong ziam? Vuipi le tuihualte ngawngawn in a thu ni hi!” khat le khat kici uh hi.

Mark 4:41 Iomraidhean Croise

Job 38:11

Keima in tuasia ii munah, “Hi ciang bek pai in, pai leet heak in! Hi sungah a thahat, na tuihualte a tawlngak kul tu hi” ka ci hi.

Psalm Late 89:7

Mi thiangthote council kikhopna ah nang hong kikiita hi; amate theampo in nang hong thasia in ding uh hi.

Malachi 2:5

“Amate ii hong thasia thei natu in ka thuciamna sungah ka kamciamsa nuntakna le nopsakna ka pia hi. Tua hunlai in amate in kei hong zakta a hong kiita uh hi.

Matthew 14:32

Amate nii sia ngunkuang sungah hong thengin vui zongh thim hi.

Matthew 8:27

Mihing simin lamdang sa uh hi “Hisia pa bangbang mihing hi thong ziam? Vui le tuihualte ngawngawn in a thu ni hi,” ci uh hi.

Mark 4:40

Jesus in nungzuite munah, “Banghangin lau nu ziam? Tu dong upna nei ngawl lai nu ziam?” ci hi.

Mark 5:1

Jesus a nungzuite taw Galilee Tuili langkhat Gerasa ngam theng hi.

Mark 5:33

Numeinu in ama tungah bang thupiang ci in phawk ahikom, lau in liing a, Jesus sangah pai hi, a peang ah khupdin in, ama tungah a thu theampo son siat hi.

Mark 7:37

A za theampo in lamdang sa mama uh hi. “Na theampo bangza in vawt thiam ziam! Ama in nangongte ngawngawn khua zasak thei a, a pau thei ngawlte dongin pausak thei hi,” ci uh hi.

Luke 4:36

Mihing theampo in lamdang sa uh a, khat le khat hi bangin kici uh hi. “Tu a kammalte bangbang kammal ziam? Thuneina le vaangletna taw hisia pa in, thaa ngilote thupia a, tuaciang amate pusuak hi!” ci uh hi.

Luke 8:25

Tua zawkciang nungzuite munah, “Na upna uh koisung om ziam,” ci hi. Ahihang amate in lamdang sa in lau uh a, khat le khat hi bangin kici uh hi. “Hisia pa akua ziam? Ama in vuipi suangval le tui kihualte tungah thu a piak ciangin tuate in, a thu ni uh hi!” ci uh hi.

Hebrew te 12:28

Tua ahiciang, lungdam tek tawng, banghang ziam cile eite in, a kingawk thei ngawl ngam ih nga hi. Ama lungkim tu bangin, eite in thasiana le kiitakna taw Pathian tungah lungdamko in, ama bia tek tawng;

Thupualaakna 15:4

Topa awng nang lamdang hong sa ngawlin akua ding tu ziam? Akua in na letna a thansak tu nial ngam tu ziam? Nangma bek na thiangtho hi. Minam theampo hong pai in nang hong bia tu hi, banghang ziam cile, thumaanin na ngamtatnate mihing theampo in hong mu siat uh hi,” ci hi.

1 Samuel 12:24

Topa thu ni vun a, thumaan takin na thin theampo taw ama ii na seam vun. Na lianpi no atu hong sepsak te ciamtee vun.