Mark 4:31 - Syin Chin Bible

³¹ Tuasia hi bang hi. Pasal khat in ankamhcii, leitung a thaicii a nobel sia la in leisung tu hi.

Mark 4:31 Iomraidhean Croise

Isaiah 53:12

Tua ahiciang ama sia milian le a vaanglian mite sungah upatna dinmun kipia tu hi. Ama in lungkim takin a nuntakna pia a, mihing siate thuak bangin thuak hi. Ama in mimaw mikhial tam mamate ii dinmun la a, amate ii mawna khialna a kimaisak natu in thungetsak hi,” ci hi.

Isaiah 53:2

Leingum sungah zung a tha thingkung no khat bangin ama ii naseampa a khanto sia Topa deina ahi hi. Ama ih thusim tu in zatakhuaina ahibuale mealhoina nei ngawl hi. Ih thinbot natu ngaibanna bangma nei ngawl hi.

Isaiah 60:22

Na minam sung pan a nobel le a kiniamkhiakbel Na innkuan ngawngawn zongh a thahat minam khat bangin lian tu hi. A hun cin ciang keima in hi thu a manlangin ka piangsak tu hi. Keima in Topa ka hi hi!” ci hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Zechariah 12:8

Tua hun ciang Topa in Jerusalem a teangte dal tu a, amate sungah a thazawm belte ngawngawn David bangin hat tu uh hi. David suan le paalte in Topa ii vantunglalang bang ahizong Pathian mama bang ahizong amate lampui tu uh hi.

Zechariah 2:11

Tua hun ciang minam tam mama Topa kungah pai tu a, ama mite suak tu uh hi. Ama in note sungah hong teang tu a, no kungah kei hong puak hunlam na he tu uh hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Mark 4:30

“Pathian Ngam sia bang taw kibang ih ci tu ziam?” ci in Jesus in dongh hi. “Bang thusonteena taw sontel tu hi ziam?

Mark 4:32

Tawmvei zawkciang poto a, ankungte sung pan a lianbel hong suak hi. A baakte zongh lian mama ahikom vacimte hong pai in, a lim bealhin bu vawt uh hi,” ci hi.

Luke 17:6

Topa in zo kik a, “Ankamhtang cia upna nei le uhte hi naailung kung munah, ‘Nangma le nangma kibot in tuipi sungah kiphut in!’ ci le uhte zong na thu uh hong ni tu hi.

Sawltakte 19:20

Topa thu sia hi bangin vaangletna taw kizel a, hat vaial hi.

Sawltakte 2:41

Mihing tam mama in a thuson um a, tui kiphum uh hi. Tua ni in mihing tulthum bang pawlpi sungah kibelap hi.

Sawltakte 21:20

Ama thuson a zaak zawk uh ciangin, amate theampo in, Pathian pok uh hi. Tua zawkciangin, amate in Paul tungah, “Suapui Paul awng, Jew te mihing tul tam mama thu um hong suak zo uh a, amate theampo Thukham nasia takin, a zuite ahi sia na mu thei hi.

Sawltakte 4:4

Ahihang a thuson a za mihing tam mama in um a, thu um mi tulnga bang khang hi.

Sawltakte 5:14

Ahihang mihing tam vaial amate pawl sungah kibelap a — Topa a um pa le numei honkhat suak hi.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.