Mark 4:28 - Syin Chin Bible

²⁸ Leitang mama in ankungnote posakin, ngasak hi, a masabel in a kung moi suakin ngap hong toai a, a khakbel in a ngapte sungah a tang a dim in om hi.

Mark 4:28 Iomraidhean Croise

Pianciilna 2:9

Ama in a et hoi thingkung namcin tua munah posak in, ngaphate ngasak hi. Huan laizang ah nuntakna a pia thingkung le a pha a sia heak theina a pia thingkung posak hi.

Psalm Late 1:3

Amate in luihui ah a po thingkungte bang hi a, a nga hunin nga a, a teete a vul bua hi. A sep a vawt theampo a zo uh hi.

Paunakte 4:18

Thutangte tot lampi sia sun dongin, a taang vaial nisuak taw kibang hi.

Thuhilsya 3:1

Hi leitung ah a piang na theampo Pathian see sa bangin piang hi.

Thuhilsya 3:11

Ama in na theampo atu hun a lem tu in ciangtan hi. Ama in maisang hong pai tu thute heak nopna thin hong pia ahihang ama ii sep le vawtte a cingin hong telsak ngeingawl hi.

Isaiah 61:11

Anciite po in a meento bang tatak ma in Vaanglianpipa Topa in a mite ngum tu a, Minamte theampo in ama pok tu uh hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Matthew 13:26

A kungte po in a huite lua tu in a kipat ciangin, mimpheite kilangh hi.

Mark 4:27

Ama zanin mu a, sunin diang hi, tua laan theampo in thaicii hong po a hong khang hi. Ahihang bangbangin piang ziam ci in a he bua hi.

Mark 4:29

An a ngau ciangin a kungte mihingte in a phiau taw attan uh hi, banghang ziam cile anlaak hun hong theng ahi hi.

Philippi te 1:6

Tua ahikom no sungah hi nasep pha hong patpui Pathian in nasep a kizaw tu hun Christ Jesus Ni ciang dong na hong seam suak tu ka ci ngam hi.

Colossae te 1:10

Tuaciang Topa deina bangin na nungta thei tu uh a, ama ii diksak bangin na vawt tawntung tu uh hi. Na nuntakna in nasep pha theampo piangsak tu a, Pathian heakna sungah na khangto tu uh hi.