Mark 4:24 - Syin Chin Bible

²⁴ Jesus in, “Na zaak uh sia pha takin ngai vun! Ngual tungah na zak thukhenna sia Pathian in no tungah thukhenna in hong zangh tu hi — a nasia zaw lai in thu hong khen tu hi.

Mark 4:24 Iomraidhean Croise

Paunakte 19:27

Tapa awng, pilna sinna na tawp le na heak sate zongh hai ngawlin na ngaingon tu hi.

Isaiah 55:3

“Tu in ngai vun, ka mite awng, ka kungah hong pai tavun; ka kungah hong pai tavun tua hile nuntakna na nga tu uh hi! Note taw thuciamna kho khat ka vawt tu a, David tungah ka kamciamsa thuphate kong pia tu hi.

Jeremiah 17:21

A nuntakna uh a it le Sabbath ni in vanh pua heak hen ci in amate tungah son in; Jerusalem kongpite kaantan in bangma tumpui peuma heak hen,

Matthew 7:2

banghang ziam cile ngual tungah thu na khen uh babangin note tungah Pathian in thu hong khen tu hi. Ngual tungah na zak uh na ngeina let uh teng ma no tungah hong kizangh tu hi.

Mark 9:7

Tuaciangin meeikaai khat hong piang a, a limh taw amate tuamcip hi, tuaciangin meeikaai sung panin aw khat in, “Hi sia ka it ka tapa hi — ama thu ngai vun!” ci hi.

Luke 8:18

“Tua ahiciang na thu zaak uhte kidawm tavun; banghang ziam cile a neite tungah tamzaw kipia tu a, a nei ngawlte tung panin, nei a kisak tawmnote ngawngawn zongh kilaaksak tu hi,” ci hi.

John 10:16

Hi tuukhawk sung a om ngawl keima neisa tuu dangte zongh om lai hi. Tuate zongh ka paipui kul hi; amate in ka aw hong ngai tu a, tuucingpa khat ii a cin tuuhon khat suak tu uh hi.

John 10:27

Ka tuute in ka aw hong ngai hi; amate ka he a, amate in ka nung hong zui uh hi.

John 5:25

A tatakin kong ci hi: a hun hong tung tu a — hong tutung zo hi — tua hun ciang a thisate in Pathian Tapa ii aw za tu a, tuaciangin a zate hong nungta tu uh hi.

Sawltakte 17:11

Tua khua mite in Thessalonica khua mite sangin ngaisun kaak thei zaw uh hi. Amate in lawpna lian taw thusonte ngai in, Paul thusonte maan tatak ziam ci in a heak natu in ni simin Laithiangtho en uh hi.

2 Corinth te 9:6

Thaicii tawm a poaipa in an tawm bek at tu a; tam a poaipa in an tam mama a at tu hi, ci in na phawk tavun.

Hebrew te 2:1

Tua hu in ei in thumaan thu ih zaak te pan, lam ih pial ngawl natu in ih kholet seseam kul hi.

1 Peter 2:2

Nausen suaktuungte bangin a thiangtho thaa noaitui tatak du tawntung tavun, tuabang a na neakna taw in na khangto tu uh a, ngupna na nga tu uh hi.

1 John 4:1

Ka it lawmte awng, Thaa ka nei a ci theampo na um heak vun, ahihang amate nei thaa sia Pathian kung pan hong pai ahile ahi ngawl na sittel tavun. Banghang ziam cile mun theampo ah kamsaang maan ngawlte pai kawkoai zo uh hi.