Mark 4:19 - Syin Chin Bible

¹⁹ Ahihang nuntakna tu thinngimna, hau nopna le a dang deinate in deapcip ahikom nga a nga thei bua uh hi.

Mark 4:19 Iomraidhean Croise

Paunakte 23:4

Hau tu na hanciamna ah nangma le nangma na tha a bo ngawl natu in ciimna a khom na nei in.

Paunakte 23:5

Na sumte sia muvanlai khat a tha hong po in a len bangma in thakhat thu in bo thei hi.

Thuhilsya 4:8

Hi sungah ama nguakin a teang khat om hi. Ama in tapa le nei ngawl, suapui le nei ngawl hikale ama sia na seam tawntung a, bangma hunin a hauna taw lungkim ngeingawl hi. Ama le ama nopsaknate nialin, akua atu in nasia takin na seam ziam? Tuasia zongh luithawthong hi a, tuaciang a ngim huai mama nuntakzia ahi hi.

Isaiah 5:2

Ama in leito in suang teng vawk a; sapitkung pha belte suan hi. Ama in tuate a cin natu in tausaang khat sa in, sapitngate a cil natu in leidum khat to hi. Ama in sapit a min tu ngak a, ahihang sapitnga theampo thuk siat hi.

Isaiah 5:4

Hisia atu ka sep laak bang om ziam? Tuaciang ka muanmawk bang sapit phate piang ngawl a, banghang sapit thuk piang thong ziam?

Matthew 13:22

Lingphung sung a thaicii taakte sia a thu a zate ma hi a, ahihang nuntak natu thinngim in, hau tu a uukte hi a, tuate in khulup ahikom a nga a hui a nei bua uh hi.

Matthew 19:23

Jesus in a nungzuite munah “A tatakin ka ci ciang sumhaute Vantung ngamsung a thet tu sia haksa mama tu hi.

Matthew 3:10

Thingkungte phuk tu in a bul ah, heimai kingat zo hi, ngapha a nga ngawl thingkung theampo kiphuk tu a, meimang sungah kisep tu hi.

Mark 4:18

Ngualdang pawlkhatte lingphung sungah taak thaiciite taw kibang hi. Hite sia a thu a zate ahi hi.

Luke 10:41

Topa in zo kik a, “Martha, Martha awng, Na tam mama tungah thinngim in buai ni hi.

Luke 21:34

Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

John 15:2

Ama in kei tungah a nga ngawl baak theampo sattan tu hi, sapitnga a ngana baak pawpo a thiantho natu le tamzaw a nga thei natu ho in heu tu hi.

Romete 12:2

Hi leitung pianzia zil in na om heak vun a, na thinsung uh kikhealthiangna taw Pathian in na sungsang uh panin na puuathaksak sitset vun. Tua hile a pha, dik a sak kicing a sak Pathian ii deinate na he tu uh hi.

Ephesus te 2:2

Tua hunlai in note in, leitung ngitlona zia na zui uh hi; van awng sungah thaa vaangletnate a ukpa thu na ni uh hi, tua thaa in tu laitakin Pathian thu a ni ngawl mihingte a uk sia ma ahi hi.

Ephesus te 6:12

Banghang ziam cile eite in mihing ngal ih do bua a, vantung a thaa ngilote hatna, a ukte, thuneite, hi khuazing hun sungah vaangletna neite ih do hi.

Philippi te 4:6

Na khat pawpo atu in thinngim heak vun, ahihang na thungetna theampo ah na kisap uh te, Pathian tungah lungdamko nopna thin taw na ngen tawntung vun.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

2 Timothy 4:10

Demas in hi leitung it zaw a, kei hong taisan zo hi. Thessalonica hong zot san hi. Crescens sia Galatia zuan hi, tuaciang Titus sia Dalmatia zuan hi.

2 Peter 1:8

Hi kicinnate sia na kitaangsap uh hi a, tuaciangin tuate tam mama na nei uh le, tua teng in no sia ih Topa Jesus Christ heakna sungah a diang zo tawntung le a muibunin hong nungtasak tu hi.

Jude 1:12

Amate sia a maizumhuai neakna dawnna taw ngualnuamin om uh a, noma ii kipawlkhop anneakpoai uh hong nokkhaksakte ahi hi. Amate in a kaangsung atu bek kin hi. Amate sia vui ii seam nguatui a paai ngawl meeikaaite taw kibang hi: tangngam hun dongin a nga mama a nga ngawl thingkungte le a kizunglok a thicip sa thingkungte taw kibang hi.