Mark 4:12 - Syin Chin Bible

¹² Tuasia ciang: ‘Amate in e en ahihang a mu buatu hi; ngangai tu ahihang a tel buatu hi. Banghang ziam cile amate in mu thei, za thei thong le Pathian kungah heak kik tu uh a, tuaciang ama in a mawna uh maisak tu hi.’ ”

Mark 4:12 Iomraidhean Croise

Isaiah 43:8

Pathian in, “Ka mite zum ah sam vun. Amate in mittang nei hi napi, a mit uh taw hi; amate in bil nei hi napi, a nangong uh hi!

Isaiah 44:18

Tuabang mite sia mawmaw leilam ahikom amate in bang teng vawt khu ziam ci zongh he ngawl hi. Amate in thumaan thutak a mu thei ngawl natu in, a mit uh si in, a tel thei ngawl natu in a ngaisutna khak uh hi.

Jeremiah 36:3

Judah mite in amate susia tu a ka sawmna thute theampo a zaak uh ciang, a tatsiatnate panin kikheal tha tu uh hi. Tuasia ciang a seksolna le a maw a khialnate ka maisak tu hi,” hong ci hi.

Jeremiah 5:21

No, a ngaisun thei ngawl a nangh mi mawmawte, mit nei napi a mu thei ngawlte, bil nei napi a za thei ngawlte awng, ngai vun.

Ezekiel 12:2

Ama in, “A thithei mihing awng, nang sia tualngal thin neite sungah teang ni hi. Amate in mit nei ahihang khuamu ngawl uh hi; bil nei ahihang khua za ngawl uh hi, banghang ziam cile amate in tualngal thin a nei hang ahi hi.

Mark 8:18

Mit nei napi — mu thei ngawl nu ziam? Bil nei napi — za thei ngawl nu ziam?

Luke 8:10

ama ii a zo kikna pan, “Pathian ngam thu thuthukte heakna no tungah hong kipia zo hi. Ahizong ngualdang a tu in, sonteena taw kipia hi, amate in en napi in a mu thei ngawl, ngai napi in a tel thei ngawl natu in kivawt hi.

Sawltakte 3:19

Tua ahiciang kisiik kik vun a, Pathian kung zuan vun, tua hile na mawnate hong kimaisak tu hi. Tuabang na hi uh le,

Thuhil kikna 29:4

Ahizong na sinsa thute tuni dong mama in ama in no hong telthiangsak ngawl lai hi.

2 Timothy 2:25

Ama a langpante a puuaphat kik ciangin, thu khualna zangh tu hi. Banghang ziam cile Pathian in amate tungah kisii kikna pia in thumaan thutak a heak natu zongh hi thei tu hi.

Hebrew te 6:6

Tua zawkciang amate in a upna uh taisan uh hi! Amate sia a kisii kik tu sia suak thei nawn ngawl hi. Banghang ziam cile, amate in Pathian Tapa sia Thinglamtee tungah kilh kik a, mipi mai ah a maizumhuai in a pholaak ahi uh hi.