Mark 4:11 - Syin Chin Bible

¹¹ “No tungah Pathian Ngam thuku sia hong kipia zo hi,” ci in Jesus in zo kik hi. “Ahihang a puasang om ngualdangte in, thusonteena taw veu in a za tu uh hi.

Mark 4:11 Iomraidhean Croise

Matthew 11:25

Tua hun laitakin Jesus in, “Simlei le vantung ii Topa, Pa awng hi thute mihing ciim mihing thiamte tung panin, na sealcip a, bangma he ngawl lai mihingte tungah lak na hikom na tungah ka lungdam hi.

Matthew 13:16

“Note na hi uh le bangza in hampha nu ziam! Na mittangte khuamu uh a, na bilte in khuaza uh hi.

Matthew 16:17

Jesus in, “John tapa Simon awng, nang sia mihing hampha khat na hi hi! Hi thutak sia mihing chi le sa sung pan nang tung a hong pai ahi bua a, vantung a ka Pa kung pan in, hong kipia thu ahi hi,” ci hi.

Mark 3:23

Tua ahikom Jesus in amate a kungah samin, thusonteena taw amate tungah son hi. “Satan in bangbangin Satan notkeak thei tu ziam?

Mark 4:10

Jesus ama nguakin a om laitak nungzui sawm le niite le a thuson a za pawlkhatte ama kungah hong pai a, thusonteenate a sontel natu in, dongh uh hi.

Mark 4:2

Ama in thusonteena zanghin, thu tam mama hi bangin hil hi:

Luke 8:10

ama ii a zo kikna pan, “Pathian ngam thu thuthukte heakna no tungah hong kipia zo hi. Ahizong ngualdang a tu in, sonteena taw kipia hi, amate in en napi in a mu thei ngawl, ngai napi in a tel thei ngawl natu in kivawt hi.

1 Corinth te 4:7

Akua in note ngualdangte sangin a thupizaw in hong piangsak ziam? Na neisa uh theampo Pathian hong piaksa hi ngawl ziam? Tua ahile pha hi, na neisa uhte sia letsong ahi ngawl bang phetin, bangbangin kiphatsak pui thei tu nu ziam?

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

Ephesus te 1:9

Pathian in a tupna sa bangin vawt a, a pawlcing tu in a khensat sa ama tupna thuku sia Christ zanghin, eite hong hesak hi.

Colossae te 4:5

Thu um ngawlte tung na ngamtatna uh ah ciimna na zangh vun a, hunpha na nga uh theampo a pha takin na zangh vun.

1 Thessalonica te 4:12

Hi bang teng taw in thu um ngawlte ii zatakna na nga tu uh a, tuaciang na kitaangsapna tungtaang ah kuama na konlaw uh a kul buatu hi.

1 Timothy 3:7

Ama in mindai in Doaimangpa thaang sungah a awk thak ngawl natu in, pawlpi puasia a om mihingte ii zatak khat hi tu hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.