Mark 3:5 - Syin Chin Bible

⁵ A kiimkot a et ciangin, Jesus in amate tungah thin uuk ahitazong hesuakhuai sa si hi, banghang ziam cile amate a thin uh pui mama a, a ngaisutna uh zongh maan ngawl hi. Tua zawkciang pasalpa munah, “Na khut vaan in,” ci hi. Ama in a khut vaan a, a khut dam kik hi.

Mark 3:5 Iomraidhean Croise

Pianciilna 6:6

amate vawt a leitung ah a koisia khuangai hi. Ama hee mama a,

1 Kumpite 13:6

Kumpipa Jeroboam in kamsaangpa munah, “Ka khut hong damsak natu in Topa na Pathian tungah nong hesuak na in thu hong ngetsak ta'n!” ci hi. Kamsaang pa in Topa tungah thu a nget le kumpipa baan dam hi.

Nehemiah 13:8

Ka thinso a, Tobiah neisa vanh theampo ka lotkeaksak hi.

Psalm Late 95:10

Kum sawmli sitset tua mite tungah ka lung a kim bua hi. ‘Amate in bangza in thumaanna sel ziam! Amate in ka thupiakte a zui nuam bua uh hi’ ka ci hi.

Matthew 12:13

Tua zawkciang a khutzawpa ii munah, “Na khut vaan in,” ci hi. Ama in a khut vaan a, a khut langkhat sang bangma in, a khut dam thiang hi.

Mark 3:4

Tua zawkciang mipite munah, “Ih Thukham in Sabbath ni in, bang teng sep tu hong oai ziam? Ngual hu tu ziam maw ngual ngim pia tu ziam? Mihing khat ii nuntakna hun tu ziam maw that tu ziam?,” ci in dongh hi. Ahihang amate kam khat zongh a pau bua uh hi.

Luke 13:15

Topa in zo a, “No mihing a kihitheamsakte awng! No sungah khat pawpo in, Sabbath ni in na khuital ahizong, na laa uh ahizong, tui pia tu in, a buk sung panin, pusua hi ngawl nu ziam?

Luke 17:14

Jesus in amate a mu ciang, “Pai tavun a, na thiampite in vealsak tavun,” ci hi. Amate a pai kawkawm in, dam thiang uh hi.

Luke 6:10

a kiim a om theampo a et zawkciang; pasalpa tungah, “Na khut vaan in,” ci hi. Tuabangin ahiciang a khut dam kik hi.

John 9:7

tuaciang, “Va pai ta'n a, Siloam Tuicing ah na mai phiat ta'n,” ci hi. (Siloam cisia “Kisawl” a cinopna hi). Tua ahikom mittawpa pai in, a mai a phia zawkciang, khuamu thei sa in hong heak kik hi.

Romete 11:25

Suapuite awng, thumaan thutak ahi thuku khat a om sia na heak tu uh ka dei hi. Tua in noma le noma ciim na kisakna uh hong khaam tu hi. Hi thu ahi hi. Israel mite thinpuina sia a tawntungin a om tu hi ngawl hi. Ahihang Pathian kungah Gentile mite a theng tu in a kisee za a cin dong bek hi tu hi.

2 Corinth te 3:14

Amate thinsung kikhak takpi hi; amate in thuciamlui thubute a sim uh ciang tuni dongin, tua dial in a thinsung uh siin lai hi. Mihing khat in Christ taw a kizop ciang bek in, tua dial sia kihepsak hi.

Ephesus te 4:18

amate thinsung sia khuazingcip hi. Pathian piak nuntak ziate sungah amate atu bangma om ngawl hi, banghang ziam cile amate in heakna nei ngawlin a thin uh pui hi.

Ephesus te 4:26

Na thin uh a uuk le, na thin uukna in, mawna sung thensak heak vun, thin uukna taw na nivui heak vun.

Ephesus te 4:30

Pathian ii suatak hong piak tu Ni kipsakna le Pathian neisa na hina hong ciamtee Pathian Thaa Thiangtho khuangaisak heak vun.

Hebrew te 3:10

Tua ahikom tua mite tungah ka thin uuk a, hi bangin ka ci hi, ‘Amate in kei tungah hong thumaan ngawl tawntung a, ka thupiakte hong nial uh hi.’

Hebrew te 3:17

Pathian sia kum sawmli tawntung a kuate ii tungah thin uuk ziam? Sennealngam sungah puk a, a thi mawneite tungah Pathian a thin uuk hi.

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

Thupualaakna 6:16

Amate in mualte le suangpite munah, “Ko tungah hong cimhsuk ka heu vun a, kumpi tokhum tungah a to pa ii muna pan le Tuuno ii thin uukna panin, hong seal tavun.

Thukhente 10:16

Tua ahikom amate in ngamdang pathiante vawkin, Topa bia uh hi; tuasia ciang ama sia Israel te ii ngim ngana tungtaang ah a thinnuam ngawl hi.

1 Samuel 20:34

Jonathan thin uuk mama in sabuai pan dingto a, tua ni bup bangma ne ngawl hi — tuasia Tha Thak Poai a ni nii ni ahi hi. David huvau in ama nasia takin a thinnuam ngawl hi, banghang ziam cile Saul in ama zawnsak vawt hi.