Mark 3:3 - Syin Chin Bible

³ Jesus in pasalpa munah, “Hi sung mai sangah hong pai ta'n,” ci hi.

Mark 3:3 Iomraidhean Croise

Isaiah 42:4

Ama in lametna bo ngawlin thin kiam ngawl tu hi; leitung ah thukhaikimna piangsak tu hi. A khuala ngamte in ama ii thuhilna ngakla uh hi,” ci hi.

Daniel 6:10

Kumpipa thukham sia kumpipa in a minthu zo hi, ci thu Daniel in a heak ciang a inn ah cia hi. A inndawl tung inndoi khat sungah Jerusalem khua sang a maingat khelkite om hi. Tua munah, a vawt ngei tawntung bangma in, khelki kihongna te ah khupdin in ni khat sung thumvei veu Pathian tungah thungen hi.

Matthew 12:10

Tua munah pasal khat sia khut langkhat zaw in om hi. Mihing pawlkhat in, Jesus ii ngamtat khialna encik in, a maw natu zong nuam ahikom hi bangin dongh uh hi, “Sabbath ni in ciina damsak tu sia ih thukham taw kileebul ziam?” ci uh hi.

Mark 3:2

Jesus ngamtat khial tu a encik mihing pawlkhat tua munah om ahikom Sabbath ni in, Jesus in ciina damsak ziam, a damsak bua ziam, ci in encik nginge uh hi.

Mark 3:4

Tua zawkciang mipite munah, “Ih Thukham in Sabbath ni in, bang teng sep tu hong oai ziam? Ngual hu tu ziam maw ngual ngim pia tu ziam? Mihing khat ii nuntakna hun tu ziam maw that tu ziam?,” ci in dongh hi. Ahihang amate kam khat zongh a pau bua uh hi.

Luke 6:8

Ahihang Jesus in amate thinsung he siat ahikom pasalpa tungah “Ding in a, hi sung mai sangah hong pai ta'n,” ci hi. Pasalpa tho a, dingto hi.

John 9:4

Sun hun laiteng in kei hong sawlpa na ih sep kul tu hi; kuama ii na a sep thei ngawl zan hun hong theng tu hi.

1 Corinth te 15:58

Tua ahikom, kong it suapuite awng, kip tak le maan takin om vun. Topa atu na nasep uh peuma a luithawthong suak ngawl het tu hi ci in na heak uh ahiciang Topa atu na nasepna sungah a tawntung komla vun.

Galatia te 6:9

Tua ahikom na pha sepna sungah toi kisa bua tawng; banghang ziam cile thinkiam in tawp bua po leang ih anlaak tu hun hong theng tu hi.

Philippi te 1:14

Thong sungah ka om hu in u le nau a tamzaw in Topa tungah thinmuanna neizaw uh a, tuaciang ngupna thu lau ngawlin hil ngam vaial uh hi.

1 Peter 4:1

Christ in a pumpi ngim thuak ahikom in, note zongh ama khua ngaisutna bangma nei in noma le noma na kithahatsak nanak vun; banghang ziam cile a kuama po pumpi taw a thuak sate sia, mawna sungah a tualta nawn bua hi.