Mark 3:21 - Syin Chin Bible

²¹ A innkuanpuite in a zaak uh ciangin ama keam tu in hong pai uh hi, banghang ziam cile mihingte in, “Ama a thin amh zo hi,” ci uh hi.

Mark 3:21 Iomraidhean Croise

2 Kumpite 9:11

Jehu sia a ngalkap maang puite kungah pai kik a, amate in, “Na theampo a pha na'am? Tua a mawmawt tuak pa sia in nang tung pan bang dei ziam?” ci uh hi. Jehu in, “Ama ii dei sia he nu hi,” ci in zo hi.

Jeremiah 29:26

“Topa in Jehoiada taangin nangma thiampi in hong koi zo hi, tua ahiciang tu in nang sia Biakinnpi sungah ulianbel na hi hi. Kamsaang khat in a kivawt tawm a mawmaw theampo ii ngawng ah thikkual bulin na khii tu sia nangma vaipuak ahi hi.

Hosea 9:7

Daan piak hun hong theng zo a, mite in amate ii nga tu a kilawm daan a nga tek tu hun hong theng hi. Tuasia hong pian ciang Israel in he tu hi! Nangma in, “Hi kamsaang pa sia a mawmaw khat hi. Hi Pathian ii thumop pa sia a thin amh hi,” ci nu hi. Na mawna a let lawlawm manin note in kei nong ensan uh hi.

Mark 3:31

Tua zawkciangin Jesus nu le a suapuipate hong theng uh hi. Amate in doipua ah dingin, ama taw kimu tu in samsak hi.

John 10:20

Amate sung pan tam mama in, “Ama doaivei hi! Ama a thin amh hi! Banghangin a thuson ngangai nu ziam?” ci uh hi.

Sawltakte 26:24

Paul in ama le ama hi bang a kihuk ciangin, Festus in oksan a, “Paul awng, na thin amh hi! pilna tam na sinna in na thin hong amhsak hi!” ci hi.

2 Corinth te 5:13

A thin amh tatak ka hi uh ziam? Thin amh ka hi uh le Pathian atu hi a, tua ahibuale thinciim ka hi uh ziam? Tua ahile zong note atu hi.