Mark 3:2 - Syin Chin Bible

² Jesus ngamtat khial tu a encik mihing pawlkhat tua munah om ahikom Sabbath ni in, Jesus in ciina damsak ziam, a damsak bua ziam, ci in encik nginge uh hi.

Mark 3:2 Iomraidhean Croise

Psalm Late 37:32

Mihing pha khat sia mihing seksol khat in encik a thalup tu in hanciam hi;

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Daniel 6:4

Tuasia ciang nasep uk dangte le ngamkhen uk tengin Daniel ii kumpi ngamlian uk nasepna encik a, a khialna zon tu hanciam uh hi. Ahihang Daniel sia muanhuai a, a thumaan le a citak khat ahikom amate in a khialna, a thumaan ngawlna mu zo ngawl uh hi.

Matthew 12:10

Tua munah pasal khat sia khut langkhat zaw in om hi. Mihing pawlkhat in, Jesus ii ngamtat khialna encik in, a maw natu zong nuam ahikom hi bangin dongh uh hi, “Sabbath ni in ciina damsak tu sia ih thukham taw kileebul ziam?” ci uh hi.

Mark 3:3

Jesus in pasalpa munah, “Hi sung mai sangah hong pai ta'n,” ci hi.

Luke 14:1

Jesus sia Phariseete lampui khat ii inn ah Sabbath ni khat, an ne tu in pai hi; tua munah a om mihingte in Jesus encik uh hi.

Luke 20:20

A mat thei natu hunpha zong uh hi. Thuneite le Rome ngamuk mangpa tungah Jesus a aap thei natu in, thinsung takpi taw thu dongh nuam bangin a kiheang tu mihing pawlkhat sumnguk pia in paisak a, Jesus aitaa uh hi.

Luke 6:7

Thukham hil syate le Phariseete in Jesus tungah mawna zong nuamin, Sabbath ni in ciina a damsak ziam a damsak bua ziam, ci in a khial tu encik hi.

John 8:6

Amate in hi bangin a ci uh sia Jesus a mawsiat thei natu in a aitaana hi. Ahihang ama kunin, a khutme taw lei ah lai at hi.

John 9:16

Phariseete pawlkhat in, “Hi bang a vawt, mihing in, Pathian kung pan hi thei ngawl tu hi, banghang ziam cile ama in Sabbath Thukham ni ngawl hi,” ci uh hi. Ahizong a dangte in, “Bangbangin mawnei mi khat in, hi bang nalamdang laknate vawt thei tu ziam,” ci uh hi. Tuaciangin amate sungah pawl kikhenna khat hong om hi.