Mark 2:7 - Syin Chin Bible

⁷ “Banghangin hi bangin pau ngam ziam? Hisia in Pathian min daisakna hi. Pathian bekma in mawnate maisak thei hi!” ci in ngaisun hi.

Mark 2:7 Iomraidhean Croise

Job 14:4

Mihing bang a thiang ngawl na khat pawpo sung pan a thiangtho na piang thei ngeingawl hi.

Psalm Late 130:4

Ahihang nangma hong thasia in kong din thei natu uh in, nangma in tua mawnate nong maisak hi.

Isaiah 43:25

Ahitazong, na mawna hong maisak sia Pathian keima hi a, keima ka hikom hi bangin ka vawt hi. Na khialnate lenin maw kong suan buatu hi.

Daniel 9:9

Kote in nang hong langpan zo ka hita uh zongin nang in nong hesuak a, nong maisak hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Matthew 26:65

Tuasia ciangin Thiampi Lianbelpa in, a puan hong baltham a, “Pathian zawnsakna kampau pa! Tetti dang kul nawn ngawl hi. Pathian min a daisak na sia na zaak tek uh hi.

Matthew 9:3

Tuasia ciangin Thukham hil syate pawlkhat in, “Hisia pa in Pathian zawnsakna kampau hi,” ci in phun uh hi.

Mark 14:64

Pathian min a simmawk hunlam na zaak tek uh hi. Bangbangin thukhen tu nu ziam?” ci hi. Amate theampo in ama a langpan siat uh hi. Ama maw hi, thalup kul tu hi, ci uh hi.

Mark 2:6

Tua munah a to Thukham hil syate in,

Mark 2:8

Thakhatin Jesus in amate ngaisutna teng tel ahikom, “Banghang tuabangin ngaisun nu ziam?

Luke 5:21

Thukham hil syate le Phariseete in, “Pathian zawnsakna kampau hisia pa akua ziam! Mawna maisak thei sia, Pathian khat simngawl a dang om ngawl hi,” amate tetek kici uh hi.

Luke 7:49

Sabuai ah a to dangte in, “Mawnate ngawngawn a maisak hisia akua ziam,” amate sung tengah ci uh hi.

John 10:33

Amate in “Na pha khat pawpo nasep hu in, hong deang nuam hi ngawl khu hi. Ahihang Pathian zawnsakna kam na pau hu in suang taw hong deang nuam khu hi! Nang sia mihing ma hi napi nangma le nangma Pathian in kivawt tu na hanciam hi,” ci in zo kik uh hi.

John 10:36

Kei ka hile Pa in hong teal a, leitung ah hong paisak hi. Tua ahile, Pathian Tapa khi hi ka ci ciang, bangbangin Pathian zawnsakna kam pau hi hong ci thei nu ziam?