Mark 2:5 - Syin Chin Bible

⁵ Amate in bangza in upna nei ci sia Jesus in a mu ciang, pumzaw pa munah, “Ka tapa awng, na mawnate hong kimaisak zo hi,” ci hi.

Mark 2:5 Iomraidhean Croise

Pianciilna 22:12

Vantunglalang in, “Patangpa sia liamsua heak in, ama bangma law heak in. Pathian thu na nitna le na zatakna, tu in ka he hi, banghang ziam cile tapa khat bek na nei kei atu in na haza bua hi,” ci hi.

Psalm Late 103:3

Ka mawna theampo ama in hong maisak a, ka natna theampo hong damsak hi.

Isaiah 38:17

Ka thinngimna sia thinnopna suak tu hi. Lauhuaina theampo pan ka nuntakna nong ngum hi; ka khialna theampo nong maisak hi.

Isaiah 53:11

A khan sungah natna ngimna a thuak zawkciang, ama in lungdamna nga kik tu hi; a thuakna a luithawthong ahi ngawl sia ama in he tu hi, Ama sia a thumaan keima naseampa hi a ka lung hong kimsak pa hi. Ama in mihing tam mama ii thuak tu daan piakna sia thuak tu a, ama thuakna hangin amate mawna ka maisak tu hi.

Matthew 9:2

Tua munah mihing pawlkhat in pumzaw pasal khat lupna tungah a lum sa in, Jesus kungah hong paipui uh hi. Jesus in amate upna bangza lian ziam ci in a mu ciang, pumzaw pa munah, “Na thin kiliansak in, ka tapa awng. Na mawna hong kimaisak zo hi,” ci hi.

Matthew 9:22

Jesus hong kingeilee kik a, numei sia a mu ciangin, “Na thin kiliansak in, ka tanu awng! Na upna in hong damsak zo hi,” ci hi. Tua hun lianin, numeinu dam thiang hi.

Matthew 9:5

‘Na mawna hong kimaisak zo hi,’ ci le ‘tho in a lampai in,’ ci koisia ol zaw ziam?

Mark 2:6

Tua munah a to Thukham hil syate in,

Mark 5:34

“Ka tanu awng, na upna in hong damsak zo hi. Thinnuam in va pai ta'n, na ngim ngana pan dam ta'n,” Jesus in ci hi.

Luke 5:20

Tua mite in bangza in upna nei ci, Jesus in a mu zawkciang pasalpa tungah, “Na mawna hong kimaisak zo hi, lawm awng,” ci hi.

Luke 8:48

Jesus in ama tungah, “Ka tanu awng, na upna in hong damsak zo hi, Thin nuam takin, va pai ta'n,” ci hi.

John 2:25

Ama tungah amate thu sia kuama ii son kul ngawl hi, banghang ziam cile ama mama in amate ii thinsung teng a heaksa hi.

John 5:14

Tuasia zawkciang Jesus in Biakinnpi sungah ama mu a, “Hong ngai ta'n, tu in dam zo ni hi; tua ahiciang, mawna vawt nawn heak in, tua ahibuale a nasia zaw thuak thei tu ni hi,” ci hi.

Sawltakte 11:23

Ama a thet ciang, Pathian ii a mite thupha a piakzia mu ahikom ama lungdam a, Pathian tungah thin tak lung tak taw a thumaan natu in, amate theampo hanthawn hi.

Sawltakte 14:9

Tuak ah Paul ii thuson ngai in to hi. Paul in ama ii upna mu a, kidamsak thei tu ci in mu ahikom ama tangtan in en a,

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

1 Corinth te 11:30

Tua hu in note sungah mihing tam mama thazawmin a ciina a, tam ma na thi zo uh hi.

2 Corinth te 2:10

Khat po ii a ngamtatna tungtaang ah mawna na maisak uh ciang, kei zongh in ama ka maisak hi. Banghang ziam cile maw ka maisak ciangin — tuabang a kul takpi ma ahile — Christ ii hong ompuina taw in note hang in mawmaisak ka hi hi;

Ephesus te 2:8

Banghang ziam cile note in upna tungtawnin Pathian ii thuthiamna taw ngup sa na hi uh hi. Tua in note hanciamna hang hi ngawlin, note kisuantaak thaak ngawl natu in Pathian letsong ahi hi.

Colossae te 3:13

Khat le khat na kidual vun a, a dang khat ii tungah lungkim ngawlna a nei khat po na om uh ciangin, khat le khat kimaisak vun. Topa in note mawna hong maisak bangma in note zongh khat le khat na kimaisak vun.

James 5:15

Hi upna taw thungetna in ciina damsak tu hi. Topa in ciidamna pia kik tu a, tuaciang mawna a vawtte kimaisak tu hi.