Mark 2:20 - Syin Chin Bible

²⁰ Ahihang ni khat ni ciangin zineipa sia amate kung pan hong kila tu a, tuasia ciangin an tang tu hi,” ci in zo kik hi.

Mark 2:20 Iomraidhean Croise

Psalm Late 45:11

Na mealphatna hangin kumpipa in hong dei tu hi; ama in na topa ahikom ama thu na ni tu hi.

Solomon ii La 3:11

Zion numeite awng hong pai tavun a Solomon Kumpipa en vun. Ama in a zi nei ni, a lungdam ni le a thinnop ni in a nu ii a lu tungah a khuksak kumpilukhu sia khu hi.

Isaiah 54:5

Nangma hong bitphuapa in na pasal bang hong hi tu a — ama min sia Vaanglianbelpa Topa ahi hi. Israel te ii a thiangtho Pathian in nang hong ngum tu a — ama in leitung theampo a ukpa ahi hi.

Isaiah 62:5

Tangval khat in ngaknu thiangtho khat mo in a pui bangma Nang hong vawt Ama in nang hong teenpui tu hi. Zi nei tu pa in a zi tu sia dik a sak bangma in, Na Pathian in nangma zongh dik hong sa tu hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Matthew 26:31

Tuaciangin Jesus in amate munah, “Zan ciang tatak ma in no na vekpi in taikeak in kei hong nusia siat tu nu hi, banghang ziam cile laithiangtho in, ‘Pathian in tuucingpa thatlum tu a, tuute sia kithethaang tu hi,’ ci hi.

Matthew 9:15

Jesus in, “Mopoai sungah zi neipa a om lai teng a leangnate khuangai thei tu in na um uh ziam? Ni khat ni ciang zi neipa amate sung pan kila tu a, tuasia ciang amate an tang tu uh hi.

Mark 2:19

Jesus in, “Mopoai an kivaakna sungah leangnate in an ne ngawlin om tu na um uh ziam? Om ngawl tu hi! Zineipa sia amate taw a omkhop laiteng amate in tuabang a ngamta buatu hi.

Mark 2:21

“Kuama in puan lui ek sa sia puan thak taw phaw ngeingawl hi, banghang ziam cile puan thak sia a ton ciangin a lui sia ekkeak tu a, a vang zaisak seseam tu hi.

Luke 17:22

Tua zawkciang a nungzuite munah “Hun khat ciangin note in, Mihing Tapa ii nite sung pan ni khat beak, na mu nop tu hun hong theng tu hi, ahizong na mu buatu uh hi.

Luke 5:35

Ahihang zineipa amate kung pan a kilaak zawkciangin amate in an a tang tu uh hi,” ci in zo hi.

John 12:8

Mizawngte sia no taw hong omkhawm tawntung tu hi, ahihang kei sia no taw hong omkhawm tawntung ngawl tu khi hi,” ci hi.

John 13:33

Ka tate awng, kei sia no taw ngei hong omkhawm nawn ngawl tu khi hi. Note in kei nong zong tu uh hi; ahihang, Jew thunei mihingte munah ka ci sa bangin, ‘Kei pai natu munah note nong pai thei buatu hi,’ ci sia tu in kong son hi.

John 16:28

Pa kung panin kong pai takpi a, leitung ah kong pai zo hi; tu in leitung nusia in, Pa kungah ka pai tu hi,” ci hi.

John 16:7

Ahihang thumaan thutak hong son khi hi: kei pai leng no atu phazaw hi, banghang ziam cile kei ka pai buale Hupa note kungah hong pai ngawl tu hi. Ahihang kei ka pai le ama no kungah kong paisak tu hi.

John 17:11

Tu in kei nangma kung kong zuan hi; leitung ah kei ka om nawn bua a, ahihang amate leitung ah om hi. A Thiangtho Pa awng! Nang le kei khat ih hi bangma in, amate pumkhat ahithei natu in, nong piaksa min ahi na min vaanglian taw amate keamcing ta in.

John 17:13

Tu in nang kungah kong zuan a, hi bang teng leitung ah ka sonna sia in a thinsung uh ah ka lungdamna a cingin a nei thei natu ahi hi.

John 3:29

Mo ahile zineipa ii neisa hi. Ahihang a kungah a ding thu ngai in a om zineipa ii lawmpa in zineipa aw a zaak ciangin a lungdam hi. Hisia in keima lungdamna a pawlcinna ahi hi.

Sawltakte 1:9

Hi teng a ci zawkciang, amate mu tangin, van ah ama kilato a, meeikaai in lia hi.

Sawltakte 14:23

Amate in pawlpi sim ah pawlpi upate tealin koi uh a, thungetna le an tanna taw amate ii muan ahi Topa tungah tua upate aap uh hi.

Sawltakte 3:21

Pathian kamsaang thiangthote ii khuangei hunlai a, a sonkhol sa bangma in, na theampo a kithaksua siat dong, ama in vantung ah om hamtang tu hi.

1 Corinth te 7:5

Hun khat sung thungetna in hun na zak thei natu uh thukimna nei masa na hi bua na uh le, khat le khat na kinial heak vun; ahihang tua zawkciangin nupa ngeinate zom kik vun. Hi bangin hi le uhte pumpi kitek laakna hangin, a piang Satan ze etna na lel natu uh pan kikeam zo tu nu hi.

2 Corinth te 11:2

Pathian in note hong thinbot bangma in kei zongh in kong thinbot hi; note sia pasal khat bek taw kiteang tu a kamciam ka piaksa ngaknu thiangtho khat bang na hi uh a, tua pasal in Christ mama ahi hi.

2 Corinth te 11:27

Nasep thil vawt kitatsat ngawl a, mut ka nga ngawl hun tamvei mama hi; ka ngilkial hun le ka dangko hun om a; an ngina ka neak ngawl hun, belh tu nei ngawlin, puansilh ka nei ngawl hun tam pheivei hi.

2 Corinth te 6:5

Kote sia hong kivel a, thong sungah hong khumin, hong vawtsia uh hi; naseam leilam in, mu ngawlin, an ne ngawlin ka om uh hi.

Thupualaakna 19:7

Eite lawpin lungdam tawng; ama ii letna pok tawng! Banghang ziam cile Tuuno mopoai hun hong theng zo a, ama ii mo tu sia in ama le ama kipuua sa in om zo hi.

Thupualaakna 21:9

Ngimna lian khawbeam sali a nei vantunglalang salite sung pan, khat in kei kungah hong pai in, “Hong pai ta'n, mo ahi Tuuno zi kong lak tu hi,” hong ci hi.