Mark 2:18 - Syin Chin Bible

¹⁸ Hun khat lai in, Tuiphumpa John ii nungzuite le Phariseete an tang uh hi. Mihing pawlkhat Jesus kungah hong pai a, “Banghangin Tuiphumpa John nungzuite le Phariseete nungzuite in an tang a, na nungzuite in, banghangin an tang ngawl ziam?” ci in Jesus dongh uh hi.

Mark 2:18 Iomraidhean Croise

Matthew 23:5

Mihingte mu tu in amate in na theampo seam uh hi. Amate talki tung le a baante tungah laithiangtho kammal a ki at savun pheakte bangza in beak ziam, en vun! A laktong puasilh mong a teapkaaite zongh bangza in sausak ziam!

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:18

tua hi le na antan uh hunlam ngualdang in hong he tuan ngawlin, a kimu ngawl na Pa bek in hong he tu hi. Tuaciang, nangma bek heak a na ngamtat sia na Pa in, hong mu tu a, thaman hong pia tu hi.

Mark 2:19

Jesus in, “Mopoai an kivaakna sungah leangnate in an ne ngawlin om tu na um uh ziam? Om ngawl tu hi! Zineipa sia amate taw a omkhop laiteng amate in tuabang a ngamta buatu hi.

Luke 18:12

Nipi khat sungah ni nii an ka tang a, ka nga sung panin, see sawm sua see khat nang kong pia hi,’ ci in thungen hi.

Romete 10:3

Pathian mai ah mihingte thutang a suasakzia he ngawl a, lampi tuam dang khat sial tu hanciam uh hi. Tua ahikom amate in Pathian ii mihingte thutang a suasakna sungah a ki aap bua uh hi.