Mark 16:17 - Syin Chin Bible

¹⁷ Thu umte nalamdang vawt thei natu vaang kipia tu hi; amate in keima min taw doaite a not tu uh hi; amate kam tumdangin pau tu uh hi;

Mark 16:17 Iomraidhean Croise

Mark 9:38

John in, “Syapa awng, pasal khat in nangma min taw doai a nawnot ka mu uh a, a kheal natu ka sawl uh hi, banghang ziam cile ama ei pawl ahi bua hi,” ci hi.

Luke 10:17

Sawmsali le niite in, lungdamna lianpi taw cia kik uh a, “Topa awng, na min taw thu ka piak uh ciangin doaite ngawngawn in ka thu uh hong ni hi!” ci hi.

John 14:12

A maan takin kong ci hi; kei hong um peuma in, ka vawt teng a vawt tu hi — hi hi, a thupi zaw zongh vawt tu hi, banghang ziam cile kei Pa kung ka zuan tu hi.

Sawltakte 10:46

Banghang ziam cile amate in, kam tumdangte taw pau in, Pathian letna pok uh hi. Peter in,

Sawltakte 16:18

Ni tam mama sung hi bangin, Paul a thin uuk dong au a, Paul a thin uuk ciang kingeilee in, doai munah, “Jesus min taw numei nu sung pan na pusua natu thu kong pia hi,” ci hi. Tua hun lian laitakin, doai in numei nu sung panin pusuak hi!

Sawltakte 19:6

Paul in amate tungah a khut nga a, Thaa Thiangtho amate tungah hong theng hi; amate in kam tumdangte taw pau uh a, Pathian ii ngupna thute zongh thangsak uh hi.

Sawltakte 2:33

Ama sia Pathianziatsang ah to tu in kiphong a, ama in, a Pa kamciam bangma in, Thaa Thiangtho saang hi. Tuaciangin tu a na mu uh na zaak uh sia, ama letsong kote tungah hong buaksuk sia ahi hi.

Sawltakte 5:16

Tuaciang in Jerusalem kiim khuate pan mihonpite hong pai in, ciinate le doaiveite paipui uh hi; tuaciang amate theampo kidamsak hi.

Sawltakte 8:7

Mihing tam mamate sung pan doai ngilote sia a nging in au a, pusuak hi; pumzawte, peangbaite tam mama dam uh hi.

1 Corinth te 12:10

Thaa in khat tungah nalamdang lak theina vaang pia a; a dang khat tungah Pathian Thuhil theina letsong pia hi; tuaciang a dang khat tungah, letsongte sia Thaa Thiangtho pan hong pai ahile ahi ngawl khentel theinate pia lai hi. Khat tungah kam tumdang pau theina pia a, a dang khat tungah kam tumdangte pheen theina pia hi.

1 Corinth te 12:28

Pawlpi sungah Pathian in a vekpi ma a om natu san tek ah koi hi: a masa phit in sawltakte, a niina ah kamsaangte, a thumna ah lai hil syate; tua zawkciangin nalamdang lakna a vawtte, tua zom ah ciidamsakna vaang a kipiate, ngual hu thei ahibuale, lamlak thiamte, tua ahibuale kam tumdang taw a paute ahi uh hi.

1 Corinth te 12:30

ciina damsak theina ahizong, kam tumdang taw pauna le tua kamte pheen theina ahizong, vawt theina vaang a nei kim bua uh hi.

1 Corinth te 13:1

Mihingte ii kampaute le vantunglalangte ii kampau ngawngawn ka pau thei hial hangin, itna ka nei buale ka paute sia zam nging daak nging bang bek ahi hi.

1 Corinth te 14:2

Kam tumdang a pau sia in ngualdang tungah pau hi ngawlin, Pathian tungah pau ahi hi, banghang ziam cile kuama in tel ngawl hi. Ama in Thaa vaangletna taw a kiseal thumaan thutakte son ahi hi.