Mark 16:1 - Syin Chin Bible

¹ Sabbath ni bo zawkciangin, Mary Magdalene, James ii nu Mary le Salome in Jesus luang a zut natu in hel namtuite keng uh hi.

Mark 16:1 Iomraidhean Croise

Pianciilna 50:2

Tuaciang Joseph in a pa luang a muat ngawl natu vawt tu in thupia hi.

2 Khangtaanghthu 16:14

David Khuapi sungah ama mama ii khuaksa suangkuul sungah kiphum hi. Amate in a luang phum natu a puuana in a tungah hel namtuite le paaknamtui thau te zut in ama ii thi a khuangaina in a lian mama meimang khat sep uh hi.

Mark 14:3

Jesus sia Bethany khua ah a lauhuai vun natna a vei ngei Simon a kici khat inn ah a om hi. Jesus in an ne in a om laitak numei khat hong pai in, suangngo thawl khat dim a manpha mama sathau namtui hong keng a, Jesus lu tungah buak hi.

Mark 14:8

Ama in a hi thei tawpin seam zo hi, ka kivui tu hun hong thet ma in, ka pumpi sathau hong noai a hong pua khol ahi hi.

Mark 15:40

Numei pawlkhat tua munah om a, a khuala thithimna mun khat pan en uh hi. Amate sungah a kihel teng sia Mary Magdalene, a khangmoi zaw James le Joseph nu Mary le Salome te ahi uh hi.

Mark 15:42

Nitak ciangin Arimathea mi Joseph hong theng hi. Ama sia Council sungah a kizakta upa khat hi a, Pathian Ngam hong thet tu a ngakpa khat ahi hi. Tua ni sia kingin ni hi (Sabbath ma ni khat) tua ahikom Joseph in Pilate kungah hang takin pai a Jesus ii luang ngen hi.

Mark 15:47

Mary Magdalene le Joseph nu Mary in ngakin en a, Jesus luang koina mu uh hi.

Mark 16:2

Nipi ni zingtuung, nisua ciangin, amate thaan ah pai uh hi.

Mark 16:8

Tua ahikom amate in lungmang patau in thaan sung pan, pusuak in tai uh hi. Amate in lau ahikom, kuama munah, bangma a son bua uh hi. [

Luke 23:54

Tua ni sia nipi zawk ni nga ni hi a, Sabbath ni hong theng dektak hi.

Luke 23:56

Tua zawkciangin amate in a luang zut natu in, hel namtui le paaknamtuite vawtkhol tu in inn ah cia kik uh hi. Thukham om bangin amate Sabbath ni in tawlnga uh hi.

Luke 24:1

Nipi ni zingsang tuungin, numeite thaan vil uh a, amate helkholsa sathau namtuite keng uh hi.

John 19:25

Jesus ii thinglamtee taw a kinaina ah, a nu, a nu ii suapuinu, Clopas ii zi Mary le Mary Magdalene te ding uh hi.

John 19:31

Jew thuneite in, Pilate munah a kithatte ii peang a thiatan natu le, thinglamtee tung pan a luangte a laaksuk thei natu in ngen uh hi. Hi bang a nget theina uh sia banghang ziam cile tua ni sia nipi zawk Ni nga ni hi a, hong pai tu Sabbath sia a thiangtho tuam a kingaisun ahikom Sabbath ni in a luangte thinglamtee tungah a om tu a dei bua uh hi.