Mark 15:34 - Syin Chin Bible

³⁴ Nai thum sa ciangin Jesus in a nging tatakin au a, “Eloi, Eloi, lema sabachthani?” ci hi. A khiakna sia, “Ka Pathian, ka Pathian awng, banghangin hong nusia ni ziam?” ci na ahi hi.

Mark 15:34 Iomraidhean Croise

Psalm Late 22:1

Ka Pathian, ka Pathian awng, banghangin kei hong nusia ni ziam? Cimaw in, nong hu natu hong ausan khi hi, ahihang huna hong pai tuan ngawl lai hi.

Psalm Late 27:9

kei kung pan nangma le nangma hong kiseal heak in,” ci in ka zo hi. Kei tungah hong thin uuk heak in a, na naseampa hong nungngat heak in. Nangma in kei hong hupa na hi ngei zo hi; hong paisan heak in a, hong nusia heak in, Pathian, kei hong ngumpa awng.

Psalm Late 42:9

Kei hong hungpa Pathian tungah, “Banghangin hong mangil zo ni ziam? Ka ngalte tatsiatna banghangin thuak tan lai tu khi ziam?” ka ci hi.

Psalm Late 71:11

Amate in, “Pathian in ama nusia zo hi; a nung pan zui in ama man tawng; ama a hun tu kuama om ngawl hi,” ci uh hi.

Isaiah 41:17

“Ka mite tui kisamh in tui a zon uh ciang, tuidu in a dang a ko ciang, Topa, keima in amate thungetna ka zo tu hi; Israel te ii Pathian, keima in amate ka nusia ngei buatu hi.

Kaa late 1:12

“Kei hong en ka ven!” ci in ama kaantan in a pai theampo tungah ko hi. “Kei nat bangin kuama in a na thuak ngeingawl hi. Topa in a thin uuk laitak hong thuaksak natna a hi hi.

Kaa late 5:20

Banghangin tu tanvei kote hong nusia ni ziam? Kote nong phawk kik ngei tu ziam?

Daniel 9:21

Thu ka nget laitakin, a masa ka mukhol lai a ka mu sa Gabriel sia ka omna munah hong leangsuk hi. Tua hun sia nitak sang biakpiak tu hun ahi hi.

Matthew 27:45

Nisun ciangin ngam bup sia khuazing in siin cip a, nai thum sung khuazing hi.

Matthew 27:46

Nai thum saat tu bang ciangin Jesus in aw nging tatak taw, “Eli, Eli, lema sabachthani?” ci in au hi. A khiakna sia “Ka Pathian, Ka Pathian awng! Banghang hong nusia ni ziam?” a cina hi.

Mark 15:25

Thinglamtee tungah a kilh hunin zingsang nai kua saat hi.

Mark 15:35

Tua munah mihing pawlkhat a omte in ama auna za a, “Ngai vun, ama in Elijah sam hi!” ci uh hi.

Luke 23:44

Sun nai sawm le nai nii hun bang ciangin ni taang nawn ngawl a, nitak nai thum dong ngamsung buppi khuazing hi;

Luke 23:46

Jesus in nging takin hi bang hong au hi, “Pa awng! Na khut sungah ka thaa kong aap hi!” a ci zawkciang ama thi hi.

Sawltakte 10:3

Ni khat nitak nai thum bang hun mahiat in, ama in mang mu a, hi sitset in a muna ah Pathian vantunglalang khat in, “Cornelius awng!” ci hi.

Hebrew te 5:7

Leitung ah a nuntak lai in Jesus in thina pan a ngum thei, Pathian tungah a nging auna le thitui luanna taw thungetna le dei ngetnate nei hi. Ama kiniam khiak a, Pathian ii deina a zuipa ahi hu in, Pathian in za hi.