Mark 15:14 - Syin Chin Bible

¹⁴ “Ahihang ama in bang khialna nei ziam?” ci in Pilate in dongh hi. Amate in “Thinglamtee tungah thatlum in!” ci in a nging seseam in au uh hi.

Mark 15:14 Iomraidhean Croise

Psalm Late 69:4

Bangma thu om ngawl a, kei hong ensante sia ka lu a samzamte sangin tamzaw hi. Ka ngalte in kei langpanna leilot thu son hi; amate hat a, kei hong thatlum nuam hi. Ka nguk ngawl bul nate amate in hong pia kiksak hi.

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Isaiah 53:9

Ama in leilot thu khat zongh son ngeingawlin, ahibuale khialna khat zongh vawt ngeingawl hi napi, mi seksolte taw thaan sungah kisial khawmin, sumhaute taw kiphum khawm hi,” ci in zo kik uh hi.

Matthew 27:19

Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.

Matthew 27:4

“Mihing mawna nei ngawl khat a thi tu in, leeheak ka hikom ka maw zo hi!” ci hi. Amate in, “Tua thu ko taw bang kisai nawn ziam? Tua thu sia nangma taw kisai bek hi!” ci in zo kik uh hi.

Matthew 27:54

Ngalkap hon ukpa le Jesus a cing ngalkapte in zinliing le thupiang dang theampo a mu uh ciang, lau mama a, “Ama sia Pathian Tapa tatak hi!” ci uh hi.

Mark 15:13

Amate in, “Thinglamtee tungah thatlum in!” ci in au uh hi.

Mark 15:15

Pilate in mihonpite lungkimsak nuam ahikom Barabbas tha hi. Tua zawkciangin Jesus velsak a thinglamtee tungah thalup tu in aap hi.

Luke 23:21

Ahihang amate in ausan kik a, “Thinglamtee tungah thatlum in! Thinglamtee tungah thatlum in!” ci uh hi.

Luke 23:4

Tuasia ciangin Pilate in thiampi liante le mihonte tungah “Hisia pa mawsak natu thu bangma mu ngawl khi hi,” ci hi.

Luke 23:41

Ahihang ei ih hile ih ngamtatna taw a kiphu tu in, ih thuak ahiciang ahi tu ma hi; ahihang ama in khialna bangma vawt ngawl hi,” ci hi.

Luke 23:47

Ngalkap hon ukpa in a piang thu teng mu a, ama in Pathian pok hi. “Ama sia mihing pha tatak khat hi!” ci hi.

John 18:38

“Tua ahile thumaan thutak sia bang ziam?” Pilate in dongh hi. Tua zawkciang Pilate doipua ah pai kik a, mihingte tungah, “Hisia pa mawsak natu thu bangma ka mu zo bua hi,” ci hi.

John 19:6

Thiampi liante le biakinn cingte in a mu uh ciang, “Thinglamtee tungah that vun! Thinglamtee tungah that vun!” ci in au uh hi. Pilate in amate munah, “Tua ahile noma in ama la in, thinglamtee tungah that vun. Ama ka mawsak natu bangma thu mu ngawl khi hi,” ci hi.

Sawltakte 13:28

Amate in, Jesus tungah thidaan a piak natu thu mu zo ngawl ahihang Pilate munah, a thalupsak natu in ngen uh hi.

Sawltakte 19:34

Ahihang ama sia Jew te hi ci in a tel uh ciangin, a au ngei uh bangin, “Ephesus khua ah, Artemis lian hi!” ci in nai nii sung au hon uh hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

1 Peter 1:19

a sitbaang ngawl, ahibuale a mealhem ngawl tuuno, Christ ii a manpha a kipumpiakna taw hong tan a hina he tavun.